محمود عامر يروي موقف في الكعبة المشرفة مع السيد راضي… تفاصيل

كتبت: مادونا عادل عدلي

قام الفنان محمود عامر بنشر صورة للفنان السيد راضي عبر حسابه الشخصي على موقع التواصل الاجتماعي فيسبوك وعلق عليها قائلًا

حكايه حصلت معايا، في رحاب الكعبة المشرفة، وكان فيها المخرج الراحل رئيس اتحاد النقابات الفنية “السيد راضي” كنا في رحله عمره وهو كان المسؤل

وجيت في صحن الكعبه لما كان فيها بئر زمزم قبل مايتنقل وكان فى مجموعه حنفيات كتيره تحت عشان الوضوء

لكن بالضغط على الحنفيه تنزل حاجه بسيطه فاتملا الكوز وتصب على نفسك عشان تتوضا

وانا باعمل كده شافنى وجه بسرعه الاستاذ سيد راضى و قالى انا هاصب عليك تتوضا

قلتله العفو ياريس ماينفعش
قالى بس عندى ينفع
وبالفعل وتحت ضغطه وافقت
وجينا للرجلين وقلتله طيب انا هاصب على رجلى

قاللى والله ماحد هايكمل وضوءك غيرى
هو انت مش عاوزنى اخد ثواب

رحم الله الاستاذ سيد
ويارب اكتبلنا زياره الكعبه وكل مشتاق
وبكره احلى بإذن الله