مسلسل “حته من القمر” يحظى بردود أفعال إيجابية
كتبت: روز توفيق انور
منذ عرض أولى حلقات مسلسل “زي القمر” حكاية “حته من القمر” وهو يتصدر تريند جوجل وحكايته جذبت أنظار الجمهور وبدأ يتعاطف ويندمج معاها.
ونعرض لكم بعض من ردود أفعال الجمهور :
لقاء الخميسي تمثيلها في زى القمر حسيته مش مصطنع ولحد الان مؤدية الدور حلو أوي برافو يا لقاء توقعي بقا أن خطيبها شكله هيموت ومعنديش توقع تاني عشان لو طلع ندل هبقى في قمة احباطي.
– أنا بحب أوي الفنان اللى بيغير جلده ويقدر يمثل كل الأدوار، لقاء الخميسى عمرها ما خسرت أي تحدي في أي عمل دايما بتكون الوحش بتاع العمل وبرافو عليها بجد فى أى دور بتمثله بتخليني أصدقها بضحك معاها وببكي معاها
حدوته حته من القمر في مسلسل زي القمر وشخصية قمر فى الشغل ومع اخوها.
– مسلسل زي القمر حكاية “حته من القمر” الحكاية حلوة، “قمر” حبيتها وحبيت علاقتها بصديقتها و اخوها سيف حبيت رد فعله على قمر، أخ قمر كلامه مع اللى يحبها صحيح أنك تشوف شخص مختلف ممكن تبقى تناظر له عشان تفهم لكن بدون وقاحة والمفروض تستوعب بسرعة وماتاخذ وقت وتتصرف.
– حكاية حته من القمر من مسلسل زي القمر هي قمر فعلا شدتني جداً من أول ٥ دقائق في الحلقة الاولى وبجد مش عايزاها تخلص، بتفرج على مسلسل بالاعلانات ولقاء الخميسي شاطره جداً و بتمثل حلو و بتعرف تحببني أو تكرهني في الشخصية و بجد عامله الدور حلو و يشد جداً ف شوفوه هيعجبكوا.
– لقاء الخميسي بصراحه تفاجأت حاجة حلوة فعلاً جداً الأداء تحفه ومتشوقه لأسلوب أكثر في اللي جاي.
– حاجة حلوة أن الدراما بتحاول تعبر عن إختلاف البشر و تعلم الناس تتقبل الاختلاف و كمان تشوفه “زي القمر”، حدوتة “حته من القمر” من مسلسل زي القمر
الحكاية لسه في أولها بس أكيد هتوصل رسالة عظيمة و هتغير كتير بحترم الأعمال دي أوي.
ويذكر أن حكاية “حتة من القمر” من بطولة لقاء الخميسي وعايدة رياض، وجيلان علاء، محمد العمروسي وإخراج محمد عبد الرحمن حماقي وتأليف ميرنا الفقي.
ويتم عرض حكاية “حتة من القمر” من يوم السبت للأربعاء، الساعة الثامنة مساءً، على قناة cbc.
