مي عز الدين: “بحب الكوميديا بس لما بتكون عفوية
تحدثت الفنانة مي عز الدين عن الأعمال الكوميدية التي قدمتها ومنها فيلم “بوحة” مع الفنان محمد سعد الذي تعتز به كثيرا، وأوضحت أنها لا ترى نفسها فنانة كوميدية.
وقالت مي عز الدين خلال لقائها في برنامج “ضيفي مع” مع معتز الدمرداش: “بحب فيلم “بوحة” وبحب كواليسه لأن محمد سعد كواليسه حلوة وبيضحك كان طول اليوم بيتريق عليا، لما بننبسط مع بعض الكواليس بتطلع على الشاشة”.
وتابعت مي عز الدين: “بحب الكوميديا بس لما بتكون عفوية مش ببقى قاصدة، الورق كان فيه موقف يسمح بكده ماشي أنا مش كوميديانة بعرف أهزر شوية، لأن الكوميديان لازم يبقى عنده شطارة إلقاء الإفيه ودا مش عندي واختراع الإفيه ودا مش عندي والإرتجال ودا مش عندي، أنا اللي أعرف أعمله حاجة واحدة وعلموهالي الأستاذة اللي اشتغلت معاهم عم حسن حسني الله يرحمه وأستاذ سمير غانم وأستاذة كريمة علموني إزاي أفرش للإفيه”.
وأكملت مي عز الدين: “أي فنان دمه خفيف وقفت معاه في موقع تصوير علمني يعني إيه عشان هو يضحك لازم أنا ابقى مسلماه الحاجة، أنا أعرف اسلم لكن عمري ما أعرف أشوط”.
يذكر أن مي عز الدين عرض لها في شهر رمضان الماضي مسلسل “قلبي ومفتاحه”، من 15 حلقة وعرض في النصف الأول من شهر رمضان.
يشارك في بطولة مسلسل “قلبي ومفتاحه” إلى جانب آسر ياسين ومي عز الدين كل من دياب، أشرف عبد الباقي، أحمد خالد صالح، سماء إبراهيم، حازم سمير، عايدة رياض، تقى حسام، وعدد آخر من الفنانين، وهو من تأليف وإخراج تامر محسن، وإنتاج شركة media hub سعدي- جوهر.
