هاني البحيري الإحساس بالفقير والغلبان والنَّاس العجزة مهم اوي

إعداد و حوار / دعاء نصر 

هاني البحيري مصمم الأزياء العالمي والمتميز ، ذاع صيته في عالم الأزياء الفاخرة ، تصميماته الرائعة لوحات فنية يشكل بها جسد المرأة ، ويزيدها جمالا وجاذبية وأناقة ،

نكمل معا في الجزء الرابع حوارنا الممتع والخاص جدا بجريدتنا عالم النجوم ..

أيه من عاداتك وطقوسك في رمضان غير العبادة والصلاة؟

هاقولك حاجة انا اهم حاجة مقاييس رمضان بالنسبة لي مش ان انا بس. يعني انا الحمدلله رب العالمين مااحبش اتكلم على الجزئية دي بس انا ما دام السنة دي محرومين منها اوي فا بقولها. و كما  كنت بحب اوي العمرة. و بحب ان احنا هنا لينا طقوس كده في العمرة. بتلاقي اول حاجة انتي عندك الحسنة ب ١٠٠ الف والسيئة ب ١٠٠ الف فبتنتهزي الفرصة يعني تصلي بتاخدي ١٠٠ الف فرض.

بتحسني لحد مثلا بتدي لاي حد حسنة ب ١٠٠ الف في عادات وتقاليد بقي لنا سنين مثلا بنعمل افطار صائم جوه الحرم طول الشهر. مشينا طبعا ١٠ فلازم نعمل فطار الصائم طول شهر رمضان. ف دي احنا طبعا محرومين منها فاحنا بنعوضها طبعا السنة دي وكل سنة بنعملها الحمدلله في مصر برضه ان احنا بنحافظ وبنشوف الفقير.

القريب قبل الغريب يعني خير من ماتنفقه فالاقربون. حتى ربنا سبحانه وتعالي مفيش عيلة الا لما فيها اقل منك واحسن منك وجيرانك فطبعا انت بتحسني للاقربون وبتحسني لجيرانك وبتحسني للناس اللي عرفاهم. ابن السبيل اللي في الشارع فمهم جدا الكلام ده كله. يعني هو رمضان مش بس اكل وانتي مستمتعة ببيتك وحاسة ان المسلسل وهات الحاجة الحلوة ويلا. لا ما هو ده مالوش معني ممكن تحسي به طول السنة. في كمان إحساسك بالفقير. وبالغلبان والنَّاس العجزة مهمة اوي مهمة اوي دي برضه ربنا الحمدلله رب العالمين يارب ما يحرمنا منها ابدا.

تفتكر رمضان في طفولتك ؟

اه كنت بحاول اصوم وانا صغير اوي اوي ٱوي اوي وبعد كده بدات ان انا اصوم مثلا وانا عندي مثلا يمكن خمسه ابتدائي سته ابتدائي.
طبعا دخلت إعدادي طبعا بصوم بس في بداية السنين اللي هو مكنش في وعي لدرجة ان انت الطفل اللي هو. دلوقتى بشوف اصغر مني وبيصوموا. مثلا عندهم 10 سنين بيصوموا لا انا مثلا بدٱت اصوم وانا عندي 12 او 11 حاجه كده.

و في ناس بشوفهم اصغر من كده بكثير دلوقتي بيصوموا. دلوقتى بقا طبعا بقي في تدريب على الصيام لا انا طلعت اصوم علطول اليوم كله جربت اصوم يوم. نص يوم وفشلت وبعد كده لا اخدت العزيمة الحمد لله من رب العالمين والحمدلله صومت ومن ساعتها بقى الحمدلله

انتظرونا مع مصمم الأزياء المصري العالمي هاني البحيري وسلسلة خاصة من الحوارات الحصرية فقط مع عالم النجوم