هاني البحيري و تصريحات مثيرة لم تعرفها من قبل

 

إعداد وحوار / دعاء نصر 

هاني البحيري اسم لمع صيته في عالم الأزياء والموضة المصرية والعالمية ، بالفعل كثرت الأسماء والماركات العالمية إلا أن من قام بانتفاضة في عالم الموضة هم قلائل وهو منهم .. هو بالفعل أحدث طفرة في عالم الموضة وأبهر النجوم وسيدات المجتمع بتصميماته الفاخرة. هو حقا أبرز مصممي الأزياء نفوذا وتأثيرا في عالم الموضة.

هاني البحيري بيحب يتفرج على أيه في التليفزيون في رمضان؟

في رمضان كانت عندنا الأسرة .. كنا ابسط ، كنا أطيب ، كنا بنستنى فزورة مثلا شريهان. نستني مسلسل من المسلسلات القديمة كنا كلنا بنتجمع علشان مسلسل واحد دلوقتي بقي عندنا ٧٥ مليون مسلسل مش عارفة تعملي ايه.

مش عارفة تستمتعي بالمسلسل الوحيد اللي بتتفرجي عليه ، اللي علي ٣ ساعات ، ليه ٣ ساعات علشان ضمنه ٧٥ أعلان فطبعا دي حاجة من الحاجات اللي ممكن تثير أعصابك فانتي النهاردة ممكن تهجري التليفزيون تروحي علي اليوتيوب.

عقلي بيبقي مشتت فطبعا انا مش مع الحاجات اللي بتحصل الصراحة مع احترامي يعني ، نفسي نقلل شوية. نفسي ان احنا .. انا الايام دي مثلا لقيت عندي فرصة في أيام الحظر ان انا اتقرب من ربنا شوية اكتر فالحمدلله رب العالمين.

علشان ما يبقاش عندنا في رمضان وقت حظر قهري مع البني ادم مع نفسه يبقي عندي ساعتين مع نفسي او ساعة ان انا التزام بالقرآن ، التزم بان انا ابقي شايف أسرتي. شايف البيت. طب النهاردة انت هتاكل ايه ؟ النهاردة تعالي انت حتي اعمل لنا الفطور.

تعالي اعمل الجبنة بالطماطم ، اعمل طعمية مثلا اي حاجة. او انت مثلا حضر الشاي او انتي النهاردة اعملي حاجة حلوة. طب ليه كده مش وقت العادي بتاعنا يعني هو الحظر اللي خلي الاسرة قريبة من بعضها ؟ يعني الحظر التجول خلي الظرف الطارئ القاهر هو اللي خلي كده.

معايا في ان اللي احنا فيه علامة من علامات ربنا ؟

طبعا دي علامة من علامات ربنا ان قالنا احنا بعدنا كل البعد عن الدين. بعدنا عن احتضان الكبير ، بعدنا عن احتضان الاسرة لبعضها ، نسمع بعض ، نشوف بعض ، نحتك ببعض. ساعات كنت بشوف بيتنا ،، انا بتكلم عن بيتي ، يعني انا عندي أسرتي.

زوجتي وبنتي برة ، انا قاعد مع والدتي في نفس البناية باجي اطمن عليها وبمشي لكن دلوقتي انا قاعد في البيت معاها علشان بطمن محدش يفتح الباب غيري انا علشان هي طبعا من كبار السن مايقدروش يفتحوا يخالطوا الناس عادي تحسي ان احنا بعاد كل البعد عن الاسرة الحقيقية ،

يعني هو ده اللي بقول عليه يعني ، فربنا يارب يرجع الناس لثوابها ودماغها المضبوطة انها مش تحارب بس الفيروس ، تحارب الجزء البايظ في دماغنا وفي عاداتنا وتقاليدنا علشان نرجع نبقي أسرة لطيفة متحابة متماسكة زي الاول.

طب حضرتك تفتكر هيكون في تراويح ولمة العيلة السنة دي ولا الوضع اللي احنا فيه بسبب فيروس كورونا هيستمر ؟

ما بصي هقولك حاجة ، احنا شايفين أدامنا مثل كبير الكعبة المشرفة ومكة والمسجد النبوي الشريف لو هما دول مقفولين دول القبلتين اللي هما يعني القبلة الوحيدة اللي احنا بنقدر نقول دي قبلة ربنا في الارض لو هي مقفولة الصلاة فانتي ازاي هتفتحي تراويح في مصر مثلا او في اي دولة عربية تانية ؟

احنا دلوقتي مسيرين مش مخيرين ، لو اختارنا هنقيم الصلاة وهنعمل كل حاجة بس طالما انتي مسيرة مضغط عليكي المرض رهيب يعني تشوفي تاريخ الأمراض والكلام ده كانوا بيقفلوا كل حاجة ، يقال ان مكة المكرمة و الحج اتقفل ٤٠ مرة ،

الكعبة المشرفة يعتبر ده خامس حدث من هذا القبيل من اول ما اتبنت على يد سيدنا إبراهيم عليه السلام. ، ومنهم عشر سنين متواصل ان فيهم أمراض ، كان في الكولارا والطاعون و ده و ده و ده ، ف ده حياة البني أدمين بتبقي اهم من كل حاجة وممكن صلاتك في بيتك تعوضك عن حاجات كتير اوي اوي معلش الحمدلله رب العالمين

لا طبعا حاجة رمضان كلها بحبها او بحب النعمة كلها فانا مثلا واحد من الناس اللي ممكن يعني اي نوع من الاكل يتحط ادامي ممكن أكله ، أنا ماعنديش مشكلة ابدا في انواع الاكل ، بس بحب كل ما هو أخضر يعني مثلا بحب البامية ، بحب الملوخية ، بحب ورق العنب ، انا بحب اللون الاخضر ، بس الملوخية بحبها طبعا بحبها جدااااا

بتحب تأكل الملوخية من ايد مين ؟

من ايد والدتي ربنا يديها العمر والصحة جربنا كام طباخ وكام طباخة و حتي في ناس دلوقتي بتعمل مشاريع اكل في بيتها بتعمل ديلفري وكده لا تحفة وجميل بس اكل امي مختلف مع أحترامي ، عارف بيبقي صحي جدا و very ligh وانا واحد من الناس اللي بخاف جدا علي جسمي من التخن فممكن أكل بمقادير معينة بشكل معين

وأحب أشبع ما احبش أقوم من الاكل جعان ، يعني انا واحد من الناس لو انا جعان ما انامش ، يعني انا ممكن عامل زي العيال الصغيرة وممكن أتجنن بالليل وما انامش وابعت اجيب مثلا حاجة باكو بسكويت ما اعرفش ايه ، باكو شيكولاتة لا يا جماعة انا كده ممكن اطخن اوي ، فانا باكل واعمل حسابي ان انا لو كلت حاجة اكل فاكهة ، بحافظ علي الفاكهة بقي بعد الاكل ، و دي شوية بقي بعدها بشوية يعني عشان تسد جوعي ان انا ابقي ملتزم وابقي محترم يعني

انتظرونا مع مصمم الأزياء المصري العالمي هاني البحيري وسلسلة خاصة من الحوارات الحصرية فقط مع عالم النجوم