يوسف الشريف يواجه جدل وهجوم ودعم بسبب حديثه عن ملامسة النساء

يوسف الشريف يوضح على حسابه قصده من تصريحاته مع رامي رضوان

يوسف الشريف و حالة جدل واسعة انتشرت عبر مواقع التواصل الاجتماعي، بسبب تصريحاته عن بعض الشروط التي يضعها في أعماله الفنية والمرتبطة بالمشاهد الساخنة، وذلك في حواره مع رامي رضوان، على شاشة dmc، ببرنامج «مساء dmc».

تصريحات ملفقة

مواقع إلكترونية نشرت تصريحات نسبتها إلى «الشريف» يقول فيها إنه يرفض «ملامسة النساء»، لكن بالتدقيق تبين انها تصريحات خاطئة.

حقيقة تصريحاته

في البداية أوضح الشريف حقيقة تصريحاته برفضه «ملامسة النساء»، وقال عبر حسابه على تويتر: «مش عارف ازاي كلمة (المشاهد الساخنه)اتحولت لـ(ملامسة النساء) عموماً لازم نفترض حسن النية، وطبعاً المشهد ده أصلاً ملوش أي علاقه بالكلام ده، ده مشهد عادي جداً وتخيل ان كل الدوشه دي بسبب تصريح من حساب مزور.كذبوا الكذبه وصدقوها».

زوجة يوسف الشريف

من جانبها، أوضحت زوجته إنجي علاء، حقيقة التصريحات، وقالت عبر حسابها على «فيس بوك»: «في اخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية يوسف اتكلم عن المشاهد الساخنة واعرف فنانين كتير تانيين مش بيحبوا يعملوها.. ايه اللي جاب ملامسة النساء للموضوع أوفر أوي بصراحة!!».

وتابعت: «هو مجبش سيرة ملامسة النساء والحوار موجود على صفحة القناة! ياريت يكون في تحري للدقة عند تغطية الحوارات واحترام لرأي وأفعال الناس مادام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه حوار يـوسف الـشريف».

رامي رضوان يعلق

وعلق المذيع رامي رضوان على الأمر، ونشر مقطع فيديو من اللقاء والذي يوضح حديث الشـريف عن المشاهد الساخنة وليس ملامسة النساء كما انتشر، وقال رضوان: «عنونت بعض الصحف نقلا عن لقائي مع النجم يوسـف الـشريف الذي أذيع أمس..انه قال»اضع بنود في عقود اعمالي لرفض ملامسة النساء«والحقيقة ان سياق الكلام كان عن رفضه»للمشاهد الساخنة«في أعماله ووضح ما يعنيه في الحوار..كما هو واضح فالفيديو».

أيتن عامر تدعم يوسف الشريف

وعقب تصريحات الشـريف التي انتشرت، كانت هناك حملة دعم لعدد من النجوم لموقف الشريف، فقالت الفنانة أيتن عامر: :«بصراحة متضايقتش خالص من إنترفيو يـوسف الشـريف وبصراحة مش فاهمة الدوشة دي كلها ليه أنت حر ما لم تضر، بس كدة، ومعتقدتش إنه ضر حد بمعتقداته أو قناعاته شابوة يا عّم».

كريم فهمي يعلق

الفنان كريم فهمي، قال: «الراجل دا أنا بحبه وبحترمه في العموم مخلص ومجتهد وحر في رأيه ويحترم»، وقالت ناهد السباعي: «هو ليه الناس بتطالب بالحرية الجنسية للشواذ وتنتقد راجل رافض المشاهد الساخنة لأسبابه الخاصة، دى حرية شخصية ودى حرية شخصية، مش عجبك متتفرجش عليه ومتشتغلش معاه وفى الآخر شابوه يوسـف الشـريف».

هشام ماجد يعلق 

وعلق الفنان هشام ماجد على الجدل، وقال عبر حسابه: «في بعض الناس سواء شغالين في المجال الفني أو صحفيين أو ناس عادية استغلوا الكلام اللي قالوا يَوسف الشَريف في برنامجه مع رامي رضوان وابتدوا يهاجموه، وقاموا ناشرين حاجات لأفلام قديمة عملها عشان يثبتوا إنه كان بيعمل الحاجات دي عادي إنه يعني كدة بيدعي الفضيلة وكده».

وتابع: «كل الاحترام ليـوسف الشريف.. فنان راقي ومحترم بيتعب على شغله وبيحترم جمهوره.. وكل الإحترام لأي حد متفق أو مختلف مع كلامه بس باحترام.. وكل واحد ليه الحرية في أفكاره طالما بيحترم اللي حوليه ومبيأذيش حد.. مش عجبك كلامه تقدر ماتتفرجش على أعماله أو تقدر متشغلوش.. إنما تطلع تقطع وتشوه فيه بحجة إنك المحامي المدافع عن حق الفن وحرية الإبداع تبقي شخص ناقص».