مجدي صابر مؤلف سلسال الدم في حوار خاص مع عالم النجوم
إعداد و حوار / دعاء نصر
مجدي صابر سيناريست مصري، كان متخصصًا في كتابة أدب الأطفال والأدب البوليسي، ثم اتجه إلى كتابة الدراما التلفزيونية، تنبأت جميع أعماله الدرامية بالمستقبل بما يحمله من أحداث. ومن أشهر أعماله (الرجل الآخر، للعدالة وجوه كثيرة، أين قلبي، سلسال الدم، أفراح إبليس، يا ورد مين يشتريك).
اغلب أعمالك التليفزيونية حققت انتشار ونجاح غير عادي ما هو السبب وراء هذا النجاح ؟
إنك تكتبي عن مشاكل حقيقة في المجتمع عن قضايا حقيقية انا مش بكتب لمجرد التسلية انا حتى من. وانا بكتب للشباب روايات للشباب كل عمل في هدف في مضمون اجتماعي كان ذات قيمة مابالك الدراما احنا عندنا 40٪ من الشباب المصري لا يقرأ. ولا يكتب ويستمد معرفته من كثير من الأخلاق. والمعارف من خلال الدراما التليفزيونية فهنا خطورة الدراما التليفزيونية. والخطورة دي بتنصب علي الكاتب اولا لان هو اللي بيكتب الدراما اللي بيحط الاعمدة الخرسانية اللي بيتبني عليها العمارة.
وانا دايما هدف عندي كل عمل اكتبه يجب أن يكون فيه الجانب الإنساني لازم يكون في قيم اخلاقية ايجابية يجب ان يكون في نماذج حقيقية يجب أن يكون معبر عن معاناة البعض، أنا بكتب عشان اوصل رسالة. والرسالة دي عدت من خلالها خطوط درامية لكثير من الشخصيات دايما تجدي في أعمالي مفيش بطل مطلق، مثلا في «العدالة وجوه كثير» ، ايه القيمة التي اشتغلت عليها أن من حق الإنسان أن يحيا بكرامة بغض النظر اذا كان ابن لقيط في المسلسل. او بلا هوية او اذا كان بلا اصل انا احاسبه على أصله هو بس على عمله مش علي هو جه الدنيا ازاي يعني دي محدش اشتغل عليها قبل كده، مثلا في «الرجل الاخر» الانسان. وهو غارق في شره الانسان بعد ان يتوب يعني نور الشريف لم يفقد ذاكرته بيرتد للخير. وبعدين يكتشف بعد كده انه كان رجلا فاسدا.
وكان بيسرق المؤسسة التي كان يديرها وفلوسه كلها من الحرام فرفض كل هذا ورفض أن يستمر في هذا الحرام. وراح عاش مع ماجدة ست الغلبانة البسيطة بس هيا عايشة بشرف. وساب الملايين والفيلا. وساب ميرفت آمين دي رسائل انتي بتشتغلي عليها بتوصليها للمشاهد وده جزء كبير ومهم في مهمة الدراما، «أين قلبي» مثلا المرأة الوحيدة لما تعول ابن. وهو في سن المراهقة. وتتعرض لإغراءات الفساد. واغراءات التحرش وما يؤدي إلى ذلك انتي بتقديم نموذج إيجابي جدا للمرأة المعيلة فكل عمل تجدي فيه رسائل إيجابية من هذا النوع.
الجمهور لاحظ تركيزك على الأعمال التي تخص الصعيد وأطلق عليك لقب “سيناريست الصعيد”؟
لا مش تركيز ولا حاجة انا عامل 35 مسلسل منهم مسلسلين صعيدين، هو وارد طبعا لأنه آخر الأعمال التي عرضت بشكل كبير ممكن يكون ده منبع هذا السؤال لكن انا، بعد سلسال الدم انا عملت مسلسل عائلة الحاج نعمان. وهذا المسلسل تدور أحداثه “دمياط” المكان هنا بطل زي سلسال الدم ولو تبعتيه هتلاقي ان انا الحياة الدمياطية بكل تفاصيلها بكل اشخاصها بكل عاداتهم وتقاليدهم في شغلهم. وتجارة الموبيليا، المكان بطلا مش الابطال بس الابطال حتى المكان بطل. وده من ضمن الرسائل الايجابية شوفوا دمياط واعملوا زيها الناس عايشة هناك ازاي، دمياط هناك مفيش فيها ايد وحده عاطلة نسبة البطالة عندها صفر. ان كل بيت بينتج.
كثير من الأسر ينشأ فيها خلاف بين الاب. والابن بسبب ان كل طرف يميل لمستقبل عمل غير الاخر هل وجهتك هذه المشكلة ؟
لا انا محدش في اسرتي ولا ولدي ولا ولدتي قالولي هتطلع ايه، انا كان أملي ادخل كلية طب انا دي كانت رغبتي. وأبقى دكتور، عارفة زمان او البعض بقول يادكتور يامهندس. ومكنش زمان كان في ثانوية عامة، مكنش فى فصل بين علمي. ورياضة حسب المجموع بقي كان راتش واحد فانا كان نفسي اطلع دكتور لكن في ثانوية عامة مجبتش مجموع دكتور. فدخلت كلية تجارة مفرقتش معايا لان كان في دماغي بدأت تتجه للكتابة. والتأليف. وابتديت احس ان ده هيبقى مستقبلي.
الجديد والحصري لعالم النجوم للسيناريست الكبير مجدي صابر؟
لا مفيش حاليا جديد
