مالك يادنيا ليه معايا مركزه .. بقلم: حمادة العسكري
مالك يادنيا ليه معايا مركزه
عشان أعيش من تاني عايز معجزه
مفضلش حاجه تعمليها تاني فيا
أنا شوفت منك كل أنواع الأذى
خدت الصبر من كومي
وقولت مسيرها تتغير
داريت الجرح في هدومي
بقاسي من وأنا صغير
كبرت وكبرت أوجاعي
وزاد الحمل جوايا
يادنيا خلاص ملوش داعي
سيبني في حالي وكفايه
شوفيلك حد تاني حسي مره بيا
تعبت م المواجع مش حمل الأذيه
دايما الغدر يجي م الغاليين عليا
يادنيا خدت منك بدل الضربه ميه
شوفيلك حل بنا أنا تعبان معاكي
ولا عشان ساكتلك بتزيدي في قساكي
بتحبي دمعي عيني وتموتي في هلاكي
رضيت بالهم فيكي ومرضيش هو بيا
دايما بخبي دمعي وبتضحك عيوني
وع الضحكه الزايفه ديا الناس يحسدوني
دايما اللي اشتريهم برخيص بيبيعوني
واللي بأامن ليهم دايما بيخونوني
