سارة نخلة: عملت تجميل عشان أصلح اللي انا بوظته

كشفت الفنانة ومقدمة البرامج سارة نخلة عن إجراؤها لبعض عمليات التجميل في وجهها والتي تحاول تصليح اجزاء منها مثل “تاتو الحواجب” والذي يعرضها للتنمر من الجمهور، وذلك خلال برنامجها فيس أوف والذي يذاع على شاشة قناة هي.

قالت سارة نخلة: انتوا لحد دلوقتي بتتنمروا عليا وانا معنديش مشكله ف ده انا كنت عامله تاتو ف حواجبي وشكله كان مش حلو وبيلمع على الكاميرا روحت شيلت التاتو كله”.

وأوضحت: “انا شيلت من شعري وزرعت حواجبي حاولت اصلح اللي بوظته، نسبة نجاح العملية عندي كانت ناجحه ولكن غيري منجحتش وعند نفس الدكتور ف ده بيرجع لطبيعة البشرة لظروف أو لسن أو للحظ الموضوع حظ في فنانات عملوا زي اصاله ونورت”.

واختتمت موجهة نصيحة للفتيات: “مفيش اجمل من خلقة ربنا متعملوش تاتو ولا مايكرو بليدنج خلقة ربنا حلوه، مفيش ست وحشه حبي نفسك انا فيا حاجات مش حلوه غيري بيشوفها حلوه، مش عيب انك تحاولي تغيري من ذلك للاحسن، انا مكنش عاجبني مناخيري وعملتها، لو لقيتي حاجه مأثره ع نفسيتك مش عيب انك تغيريها للي يريحك، تصالحوا مع نفسكوا حبوا نفسكوا”.
https://youtu.be/cRRqi5evnMk?feature=shared