تاكس الأيام .. كلمات الشاعر الغنائي: حمادة العسكري

دنيا طريقها مدق تراب

هي السواق وإحنا الركاب

ناس ورا وناس قدام

ناس نازلة وناس راكبة

ناس مرتاحة في الركبة

وناس مزنوقة في الزحام

ناس قاعدة وناس واقفة

ماشية العجلة مش واقفة

وأدينا راكبين والسلام

تاكس الأيام

الدنيا زي التاكس

ماشية معانا بالعكس

على الغلط تعلم صح

وعلى الصح تعلم إكس

اللي معاه بتبوسه

وتركبه بفلوسه

والغلبان بتدوسه

من غير إنذار وكلكس

الدنيا زي التاكس

بالراحة يادنيا هدي

وعلى المطب عدي

وماتجريش بينا

كفاية جراح وملامة

يانوصل بالسلامة

ياإما تنزلينا

مجاريح والجرح كاوي
يادنيا مين يداوي
غلبنا فيكي شكاوي
كتبنا مليون فاكس
الدنيا زي التاكس

كراسيكي يادنيا دايبة
حتى الفرامل سايبة
راكبين إحساسنا مخيف
أما اللي معاه متهني
راكب في براح بيغني
ومشغل التكييف
سايقانا شمال ويمين
خفي شوية البنزين
وخدانا يادنيا لفين
تعبنا كفاية بس
الدنيا زي التاكس