شهيرة تخرج عن صمتها: “حسبنا الله فيكم.. عايزين قانون يحمينا من آفات السوشيال ميديا”
كتبت / مايسة عبد الحميد
في رسالة غاضبة ومليئة بالحزن، عبّرت الفنانة الكبيرة شهيرة عبر حسابها الرسمي على مواقع التواصل الاجتماعي عن استيائها الشديد من الهجوم المتكرر على الفنانين، مشيرة إلى أن الأذى النفسي الذي يتعرض له المشاهير أصبح لا يُحتمل في ظل سعي البعض خلف الترند والتفاعل على حساب الكرامة والاحترام.
وكتبت شهيرة: “هوايه اللي حصل؟!!! هو ليه الناس بقت وحشة أوي كده؟ محدش بيسيب حد في حاله، وخصوصًا الفنانين! انفعال رانيا عليّا إيه؟ هو أي هبد وخلاص علينا؟!”
وأضافت: “أنا أولادي متربين، وجذورنا ولاد ناس قبل ما نكون فنانين. إحنا ناس محترمة وشبعانين. عادي أي حد ينفعل لو حس بالإهانة، لكن ينفعل على أمه أو أبوه؟! ده كلام مالوش أي لازمة، واتقال للأسف.”
وتابعت شهيرة بلهجة حاسمة: “الناس اللي ماشية في حالها مش زي اللي بيصطادوا في المية العكرة عشان ترند أو متابعين. بيحاولوا يشوهوا المحترمين عشان يكسبوا قرشين. حسبنا الله فيكم. عايزين قانون يحمي الناس من الآفات دي.”
واختتمت منشورها بآية تحذيرية تحمل معاني عميقة قائلة: “وهل يُكبّ الناس على وجوههم يوم القيامة إلا حصائد ألسنتهم؟”
وقد لاقى المنشور تفاعلًا واسعًا بين جمهور الفنانة، الذين أعربوا عن تضامنهم الكامل معها، مطالبين بوضع ضوابط حقيقية لمواجهة ظاهرة التنمر والتعدي على الشخصيات العامة عبر الإنترنت.
