أسامة حسن ينتقد شيكابالا: “كفاية تصدير للمظلومية.. إنت كابتن الزمالك مش ناقصين طاقة سلبية”
شنَّ أسامة حسن، نجم الزمالك السابق، هجومًا حادًا على قائد الفريق محمود عبد الرازق “شيكابالا”، بسبب تصريحاته الأخيرة التي اعتبرها محبطة لجمهور النادي.
وخلال ظهوره في برنامج “ملعب الشمس” عبر قناة “الشمس”، علّق أسامة حسن قائلًا: “شيكابالا طلع يتكلم عن المظلومية، وكأننا هنعيش طول عمرنا في دور الضحية، ليه تصدّر لنا طاقة سلبية؟”.
وتابع موجّهًا حديثه لقائد الفريق: “أنا عايز حد يفهمني إحنا رايحين على فين؟ إنت الكابتن التاريخي لنادي الزمالك، كان المفروض تكون مصدر قوة مش إحباط”.
وأشار أسامة إلى أن تصريحات شيكابالا الأخيرة تفتح الباب للهروب من المسؤولية، قائلًا: “ميدو قال (شايل شيلة مش شيلتي)، لكن إنت بتتكلم عن مشاكل زي إن اللاعبين مش بياخدوا مستحقاتهم وإنهم مش عايزين يجددوا، وبتقول معاك شيكات مفتوحة، وبعد كده جاي تنط من المركب!”.
وختم حديثه بالتأكيد على أن توقيت تصريحات شيكابالا كان في غير محله، مطالبًا قائد الزمالك بتحمل المسؤولية بدلًا من بث اليأس في نفوس الجماهير.
