أريد حلاً بقلم : نيفين نصار
سيدة تسأل عن كيفية الإهتمام بالزوج ؟!
زوجي تغير معي ويريد مني دائما ان ابقي عند أمي ، وقال لي في مرة من المرات وحق الخناق وجودك زي عدمه ، وأنا مش عارفه أعمل ايه وأهتم بيه ازاي! !
سوف اتحدث بكل صراحة عن ما افعله ، اري شئ في تقصيري في عدم افطاره قبل ان يذهب الي عمله، ومش بنتظره علي الغذاء اذا تاخر. ، ومش بكويله ملابسه، وعمري مفكرت اني اكون جاهزة في البيت لاستقباله وانا معتنية بنفسي، ولم افعل اي شئ الا عندما يطلبها سواء كان ماكولات او مشروبات او حلاويات او اي شئ يحبه.
محتاجة اتغير محتاجة اكون ليه زوجه والبي كل طلباته !!
وطبعا هو مش ملات واكيد كلنا بشر وفينا عيوب
بس انا بتكلم عن عيوبي وعن نفسي واني اغيرها علشان أحس اني فارقة معاه ووجودي في حياته شئ اساسي !!
حل المشكلة
الحلو أنك معترفه بأخطائك ودى أولي خطوات حل المشكلة.. ف عدليها بقي .. تعالي أقولك افضل واسهل الطرق :-
اولاً:
استنيه على الغداء و أستحملي مش هتموتي يعني لو جعتي كلي حاجه خفيفه بس اهم شئ يعرف انك ماكلتيش علشان منتظراه.
وقبل ما يجي قومي بتغيير ملابسك التي كنتي ترتدينها اثناء عملك في المنزل واثناء تجهيز الغذاء.
سرحي شعرك بطريقه مختلفة ولطيفة حطي زبده كاكاو تورد شفايفك ، أبعتي هدومه للمكوجي بس رصيها بنظافه ، حطي بيرفيوم ، أصنعي له الكيك الذي يحبه ، أجلسي معه بالليل في البلكونه وأحضري كيك مع الشاي أو عصير ، ثم قةلي له بصوت انوثي جميل نهدى أعصابنا من دوشة العيال وضغوط الحياة .
جهزي جو رومانسي ، وأحضري له هديه لتكون مفجأة جميلة يسعد بها وتكون بداية جديدة لأجلك.
إصنعي كل هذا بالمحبة قبل فوات الاوان ولا تصنعيها علي سبيل النجربة ان كان للمحبة شعر بها وازداد حبه وتعلقة لكي.
اصنعي كل ما تودي صناعته وافعلي كل شئ تحبيه ويجبه لأجلك ولإجله ولآجل بقاء الحياة والحب بينكم.
وأكيد هيلاحظ التغيير ويزداد حبه لكي.
الأهم من ده كله أعملي ده بحب عشان هتلاقي نتيجته حب ، الحب بيجيب حب ، والاهتمام بالشريك أعلي مراتب الحب ، ربنا يهديكوا ويصلح حالكم
