شيف روبي ميكساوي من براند ميكساوي لفود بلوجر ذات مصداقية عالية مع متابعيها
حوار / حوار هاجر عبدالعليم
شيف روبى ميكساوى تميزت بأكلات عديدة ومختلفة نظرا لعشقها للطبخ والبحث عن كل ماهو جديد وذاع صيتها من خلال براند ميكساوى وكانت تلك أول خطوة للبداية وبفضل أصرارها ومجهودها فى التطوير والوصول لخطوات أعلى نجاحا ذادت شهرتها يوما بعد الأخر على مواقع السوشيال ميديا
ومازالت مستمرة فى تحقيق أهدافها ولهذا لنا معها حوار خاص وممتع حوار بدايتها وماهى أسرار نجاحها
متى بدأتى براند ميكساوى ؟ وكيف أستطاعتى كسب ثقة العملاء على مدار الوقت ؟
بدأت من ٨ سنين اكتسبت ثقه عملائي باني قدمتلهم كل اكل المطاعم بجوده ونضافه البيت حققت المعادلة الصعبة
الحقيقة أن من متابعتنا ليكى كان واضح جدا حب الناس ليكى وده خلق مصداقيه اكتر فى مرحلة بداية انك تكونى فود بلوجر.
هل مصداقيتك وأمانتك العالية معاهم فى تعاملاتهم معاكى من خلال براند ميكساوى هى نفس السبب وراء تصديق رأيك عن جودة أى مطعم ؟
انا دائما يا ابيض يا اسود مبحبش اللون الرمادي وده وصل لاي حد اتعامل معايا اماكن كتير عملت عنهم ريفيو لكن الاكل معجبنيش فبالتالي منزلتش اي ريفيو ليهم مينفعش اضحك علي الناس واقول علي حاجه وحشه انها حلوه
هل تملكين مكان مخصص لعمل الأكل ؟وهل هناك مساعدين معك ؟
وإذا كان هناك مساعدين ماهو السر وراء أن على مدار ٨ سنين أستطاعتى الحفاظ على الطعم وأستمراريه ثقه عملائك فى أكل شيف روبى ؟
نعم املك سنترال كيتشين متكامل بمساعدين وحافظت علي جوده منتجاتي علي مدار ٨ سنين لان كل حاجه بعملها بنفسي الريسبي دائما ثابت حتي لو اختلفو المساعدين
تم اختيارك تكوني شيف فى برنامج تليفزيوني وأصبحتي فود بلوجر معروفه فى أماكن كثيرة بجانب أستمرارك فى براند ميكساوي.
كيف اسطاعتي التوفيق مابين كل مجال ؟
لمي تكوني بتعملي حاجه بتحبيها مش مجرد شغلانه بتبدعي دائما فيها وبيبقي جواكي طاقه رهيبه انك عايزه تنجحي والطاقه دي اللي خلتني اوفق بين كل المجالات
أصبحتى شخصية معروفة من خلال تيك توك ويوتيوب وفيس بوك حتى أنك كنتى محل ترحاب أكثر الأماكن والبراندات المختلفة من الأكل التركى فى القاهرة الجديدة لى بجه فى السيده زينب
أختيارك للتميز والتنوع بكل الأذواق فى المأكولات كان بناءً على رغبه متابعينك
ولا ده سر من اسرار شيف روبى أنها ترضى كل الأذواق ؟
هو سر التميز انك متبقيش ثابته في شخصيه واحده انك تبقي متنوعة مابين الشعبي والتركي تقدري تكوني شخص في السيدة وشخص تاني في مدينتي وشخص تالت في مصر الجديدة لاني بحب المجال ده
علمنا من بعض المصادر الموثوق فيها أنك بتدعمى مشاريع الشباب وبدون مقابل
هل السبب هو فعلا رغبتك فى تشيجع شباب بلدك على الأجتهاد والسعى وسط ظروف أقتصادية صعبه
ولا لفته منك للفت النظر ليكى أكثر ؟
بدعم الشباب جدًا وبدون مقابل لان ده حد مجتهد مستسلمش للظروف وقعد في بيتهم لكن بيتحدي الظروف الصعبة لازم نقف جنبه وندعمه بكل قوة انه يحقق حلمه
بتعتمدي فى كل ڤيديو شرح تجربتك بكل التفاصيل ودى من اكتر الأشياء تميز عن غيرك هل للدرجة دى بتعملى كل حاجة تخص مجال الأكل والمطاعم بطاقة حب كبيرة فعلا ؟ ولا بيكون ده طلب فى دعوته ليكى
بشرح كل حاجة بالتفصيل لاني شيف وببقي عارفه ايه مكونات الاكل الحلو ببقي عايزه حلاوه وجمال الاكل توصل للمشاهد من خلال كل تفصيلة كبيره وصغيرة
خلال الشهور الأخيرة ومع ظروف المقاطعة كان ليكي دور كبير فى تشجيع براندات مصرية كتير حتى خارج مجالك ….
هل سبب تشجيعك كان أن يكون لكى دور لظهور صناعة بلدك للنور حتى ولو كانت صناعات مختلفة ؟
طبعا كلنا لازم نشجع منتج بلدنا في كوادر جميلة وموهوبة جداً محتاجه فرصه انها تطلع للنور وده خلاني اعمل مبادرة وجروب اطلع للنور علشان ادعم اي حد بيعمل منتج ينافس بيه منتج عالمي
أستطاعتي النجاح من خلال برنامج تليفزيوني بطريقة تقديمك للأكلات بجانب وصفات وأسرار أستفاد وأعجب بها الكثير
هل من ضمن خطواتك لتحقيق ذاتك بنجاح من الممكن أن نرى شيف روبى صاحبه برنامج معروفةأم هناك خطوات أخرى من الممكن مشاركتها معانا ؟
اكيد حلمي اني اعمل برنامج معروف لكن مش عايزه اعمل برنامج تقليدي عايزه لمي اخوض التجربه تاني انه يبقي حاجه مختلفه عن اي برنامج علي الميديا
