أريد حلاً … بقلم: نيفين نصار
بابا بيضحي بعجل كل عيد واحنا قاعدين بابا وخطيبي وكلنا، بابا قال إنه هيعمل أضحية السنه دي اكبر من اي سنه
خطيبي بعد ماروح لقيته بيكلمني وبيقولي انتي لازم تقولي لبابا يعمل حسابه إن ربع الاضحيه يتجهز ويبعته ليا علشان اوزع علي أخواتي وأصحابي، قولتله اكيد بابا يعني هيبعت ليكم، قالي هيبعت ٦, ولا ٧ كيلو، أعمل بيهم ايه قدام أهلي
لازم يبعت الربع علشان ادي للكل واتباهى قدام أهلي
إن والد خطيبتي بعت حاجه تشرف قدام الناس، انا بيني وبين نفسي مذهوله من اللي بيقوله، ولما هو حس كده قلب وشه وعملها زعله، وانا مش عارفه اقول لبابا ولا اعمل ايه 🤦♀️
#حل_المشكله
أولًا : قبل ما تقولي لبابا أو لأى حد لازم تفهمي كويس أن هو اللي المفروض يجيبلك مش ياخد ويحاول يشرفك قدام نفسك وقدام أهلك .
ثانيًا : هو استغلالي وجرئ و ” بجح ” أنه يطلب وكمان يعملها زعله وطلب الكمية دى عشان يتباهي قدام أهله .. هو اصلا باباكي لو بعت ليهم يبقى كتر خيرة .. هو اصلا فاهم الدنيا بالمقلوب .
ثالثًا : لازم تفهمي كويس لو باباكي بعت الربع زى ما هو طلب هيتعود طول عمره أنه ياخد ياخد ومش هيدى .. ولو في مرة ماخدش هتبقى مشكلة كبيرة لأنه اتعود أنه ياخد فأصبح حق مكتسب وأمر واقع .
ارفضي انكم تبعتوا الكمية دى وشوفي رد فعله وشوفي هيعمل ايه معاكي ولو عملها مشكلة كبيرة .. ابعدى يا بنتي وانتي الكسبانه انك تنجدي نفسك من شخص استغلالي وطماع وانتهازى .
