كريم الحسيني من عرض كاليجولا.. ” في ممثلين هايلين وأنا سعيد جدًا”

كتبت/ مادونا عادل عدلي 

حضر الفنان “كريم الحسيني” عرض مسرحية كاليجولا للفنان محمد علي رزق 

ونشر الفنان عبر حسابه الشخصي على موقع التواصل الاجتماعي فيسبوك صور من العرض وصور له مع نجوم العرض وعلق عليها الله، انبسط واستمتعت .. نص عظيم ورؤيه إخراجيه هايلة وإضاءة وديكور وازياء روعه، تصميم معارك مهول شكرا صديقي هانى حسن على المجهود ده، والمُمثلين بقى، ياختي محمد على رزق في حالة توهج فني، سيبك من الإجتهاد والمُذاكره .. لا لا توهج، أنا كُنت قاعد مبهور وفاتح بُقى من كمية النقلات والإبداع

وتابع الفنان… “أوتاكا عالمى، مش ده أوتاكا بتاع مسرح الجامعه ولا الفيديو .. الناس مش عارفه الجزء ده عنه

 الهانم رباب طارق، اللى كانت وحشاني على المسرح .. هانم فعلاً تمثيل وڤيزكال وإحساس وصدق ياوعدى

العربى ده ممثل مُبهر وانا مبسوط انى اتصورت معاه عشان كمان سنتين لمى يبقى نجم صف أول أوريله الصوره دى 

واستكمل “نور عفيفي الممثل الجامد والمخرج المنفذ الجامد اوى، شكرا يا صديقي على حسن الاستقبال. 

في ممثلين كتىر للأسف مش عارف إسمهم بس جامدين اوى هايلين .. أنا مُشكح جدا 

واختتم الفنان… “وعلى فكره آخر ليله بكره بإذن الله

ارجوكوا إلحقوا روحوا على المسرح العائم بالمنيل

شكرا لصديقي ودُفعتى الفنان سامح بسيوني، على المجهود الرائع الجبار ده”