آمال رمزي: حرام عليكم 5% يشتغلوا و 95 % قاعدين في بيوتهم ” الجزء الثاني”
إعداد وحوار / مايسة عبد الحميد
تتعرّض كل صناعة- على اختلافها – لأزمات ترتبط فى الأغلب بالمنظومة الاجتماعية والاقتصادية والبيئة المحيطة بها من قوانين وانظمة وتاتي على رأس هذه الصناعات صناعة السينما والدراما والإنتاج الفني بشكل عام حيث أنها الأكثر حساسية وتأثرا بما يحدث فى محيطها.. وقد تؤدي هذه البيئة بقوانينها وانظمتها إلى عرقلة هذه الصناعة وتقف عائقا أمام تطورها وانسيابيتها ..
أدار الندوة دعاء نصر
لمع أسم الفنانة آمال رمزي في تاريخ الفن من خلال أدوارها المختلفة في الأفلام السينمائية والدراما التليفزيونية فهي من زمن الفن الجميل وأستطاعت ان تصنع إسمها من خلال العديد من الأفلام الناجحة مثل فيلم “التوت والنبوت”، إشاعة حب، شياطين الشرطة، البيه البواب، القرداتى، التوت والنبوت، فتوة الناس الغلابة، رجال في المصيدة، سفاح النساء، يوم الحساب، سارق المحفظة. والتي حققت نجاحا جماهيريا وأصبح إسمها معروفا لمحبيها.
ذلك إلي جانب العديد من الأعمال الناجحة سواء في السينما أو التليفزيون أو المسرح حيث قدمت مسرحية “حب ورشوة ودلع”، و “حكاية 3 بنات”، و”واحدة بواحدة”، و”الكلامنجية”، وشاركت من خلال الأعمال الدرامية من خلال مسلسل “من الجانى”، و “هروب”، و”الكهف والوهم والحب”، و”شفيقة ومتولى”، “الدجال”، وغيرها من الأعمال الدرامية.
وقد صرحت الفنانة آمال رمزي لعالم النجوم عن أسباب جلوس بعض الفنانين بمنازلهم دون عمل قائله: ” ميرسي جدا لطرحكم المشكلة انا كل لما بعمل انترفيو عملت حتى في بيت Dmc للأسف ده حصل لنا لأن مؤسستنا اتخدت مننا كان زمان في قطاع الإنتاج في صوت القاهرة في مدينة الإنتاج الإعلامي كان دورات مايشغلوش اكتر من مسلسلين أو ثلاثة كان في عدالة إجتماعية بعد الثورة المهببة اللي انقذنا منها الريس بتاعنا السيسي من أنياب الإرهابيين وتجار الدين فوجئنا إن مؤسستنا كلها راحت لشركة واحدة شركة الأستاذ تامر مرسي لما عنده شركة إعلانات وانا من اوائل الناس اللي تعاونوا معاه لما خرج من الجيش لانه هو أصلا ضابط جيش وخرج من الجي؛ وعمل شركة مع الأستاذ عمرو غنيم بردوا كان ضابط بس كانت أخلاقه عاليه أوي اللي كان رئيس الدراما لصوت القاهرة.
كان في عدالة كله لازم يشتغل وانا من أوائل الناس اللي أشتغلت في شركة الإنتاج سينرجي كان إنتاج مسلسل أسمه “مواطن بدرجة وزير” تأليف الأستاذة يسر السيوة وإخراج الأستاذ عادل العصب كان إنتاج الأستاذ عمرو غنيم مع تامر مرسي كان شركة سينرجي وأساسا كانت شركة إعلانات وبعتولي 27 حلقة بطولة حسين فهمي عمل شخصيتين المخرج والصحفية اللي بيدور علي إسقاطات جوزي وانا جوزي يوسف فوزي مرتشي وكانت فيها مجموعة حلوة اوي ليلى طاهر ومريم فخر الدين ونيرمين الفقي وحسين فهمي وإيمان وليسر كسيان وإنتصار مجموعة كبيرة ودور مركب بالنسبة لي ونجح المسلسل أوي وللإسف الأستاذ إبراهيم حطب كان مدير إنتاج خلاني أخد 1/8 اجري ليه قالي أمضى على بياض عشان نكسب الشركة دي بعد كدة مدخلتش شركة سينرجي خالص ولما طلبتهم في التليفون مردوش عليه أحترمت نفسي وأحترمت تاريخي كنت بشتغل في المدينة بشتغل مسرح للأسف فجئت أن تامر مرسي خد كل الإنتاج وكل الشركات ضمها ليه حتى القنوات بقى في 5 % بيشتغلوا و 95 % قاعدين نتفرج انا من حسن حظي كنت بعمل مسرحية واقعة بير العبد الناس الله أكبر بتصلي واللي بيحارب ويجوا إسرائليين يضربوهم بالنار رواية وطنية فكنت بعمل بروفات على مسرح البالون جه وزير التوجيه المعنوي اللواء أركان حرب فؤاد فيود دفعة جوزي لان جوزي الله يرحمه بطل من أبطال الصاعقة اللواء محسن عشماوي أول ما دخل قولت له تعالى تبقى وزير التوجيه المعنوي ومرات زميل صاعقة دفعت ٤٥ ومن 2016 ما أشتغلتس قال لي ليه يا مدام قلت له والله ما أعرفش أنا حتى كلمت اللواء طارق المهدى سأل تامر مرسي مبتشغلش مدام آمال قال له هي إشتغلت معايه قبل كدة قال له طبعا دي عملت إحدى بطالات مواطن بدرجة وزير فقولت له نعمل إيه معالي الوزير قالي أنا مشرف على الممر على الإختيار عندكم نقيب اقعدوا معاه نقيب المهن التمثيلية ونقيب السينمائين اقعدوا معاه ويقعد مع مدرين إنتاج تامر مرسي ويقوله مش دول بس اللي عندي انا عندي ٩٥ ٪ مبيشتغلوش وناس بتموت رائد لبيب كان بيموت وباع عفش بيته توفيق عبد الحميد الخلوق عمل عربيته تاكسي انا بعت عربيتي وشقتي وعملتهم وديعه قفلت مع اللواء وكلمت الدكتور أشرف يادكتور أشرف أنا من ٢٠١٦ انا بعمل مسرحية هي في البالون وعندي عطاء وعامله فيلم شارع صحافة ومفيش بلد أتعرض فيها شارع صحافة ولما جت الجايزة ودعوني ورحت مهرجان تونس وخدت الجايزة قالي مش بأيدي حاجة يا مدام آمال قولت له أزاي يادكتور قال لي تامر مرسي هو الحاكم بأمر الله حتى الأدوار الصغيرة بتطلع من مكتبه قولت له الأستاذ حسام شوقي كان جبلي القسط لحد البيت وكان جنتل مان قال لي لاء لاء كله أتغيروا قولت له طب اروح لمين قال لي لكم رب قولت له امال انا أنتخبتك ليه قال لي انتخبتيني ادافع عن حقوقك منتج مجبلكيش فلوس العلاج المستشفيات الأرفات قولت له شكرا أحنا عندنا ارافة في إسكندرية بتاعنا ارافه عائلية وإن شاء الله ربنا مايحوجني لا لأرفه ولا اي حاجة وكتنج وقطعت علاقتي خالص رغم اني كنت بحبه جدا وبعزه لما أقول لنقيبي حاجة ويقول لي مش بأيدي حاجة طب أكلم مين طبعا بعتولي وقالوا لي تعالي أحضري الإجتماع اروح إجتماع إيه راحت الفنانة القديرة عفاف شعيب ورجاء حسين يقول للمتحدة فرقوا أعضاء النقابة كلهم في المسلسلات والناس هما هما ودفعتهم هما هما فلما نقيبي مايدافعش عني فجيت اعمل انترفيوهات قال لي انا زعلان منك وانا مش بأيدي حاجة قولت له طب اروح لمين مادام أنت مش هتخدمني أدى القصة.
انا دلوقتي أستأنفت بروفاتي في البالون مواطن بدرجة وزير وقعة بير العبد انا العريس يعني أنا الشهيد وعندي فيلم للمركز القومي للسينما داخله فيه بكرة قابلة بطلت إنما اي قناة بيسألوني بقول السبب احنا محدش بيتصل بينا فادية عبد الغني قالت لو مش هشتغل في بلدي مين هيشغلني، سهير المرشدي من ٢٠٠٠ من مملكة يوسف المغربي ذيي مشتغلتش حاجة، مديحة حمدي قالت مقولة “احنا ذي السمك لما نطلع من الميه نموت”.
ده ستات ورجاله جزء بس اللي بيشتغل ميمي جمال اعتزلت رغم إنها خسارة قالت انا عايزة أتمتع بأحفادي وأروح مارينا والساحل وانا تعبت ومعايه اللي مكفيني وجوزي سايب لي شركات في السعودية بدورها.
حرام عليكم 5% يشتغلوا و 95 % قاعدين في بيوتهم.
انا بكرة عندي الفضائية المصرية هيسألوني هطرح أحنا مش بأيدنا حاجة وتاريخي وبدايتي لما أبقى عامله 30 فيلم منهم 6 بطولة مطلقة، لما دورين لحام يخترني وعادل قلعي وانا في بيروت مع محمد عوض أمثل أمراءة تسكن وحدها ويحط أسمى قبل الأستاذة مني واصف إحدى بطلات محمد عوض إحدى بطلات أمين الهنيدي في الدولة 10 روايات بطولة مطلقة مثلت مع الهنيدي ومع محمد عوض ومثلت مع نجم، عملت از يو لايك شكسبير، 10 روايات للدولة أخدت جايزة من مهرجان دمشق المسرحي جايزة من مهرجان لبنان زمن الفن الجميل، 3 جوايز من صفوت الشريف اعمل ايه لازم احترم نفسي واقعد في البيت والحمدلله باخد معاش من جوزي وعلى فلوس العربية وفلوس الشقة رغم إنها ودايع وقاعدة في بيت مامتي وبحترم نفسي، زمان الأستاذ نيازي كان بيجلنا المسرح استاذ حسن الإمام كان بيجلنا، أعمال كتير بتطرح في التليفزيون بس مالناش في نفسنا حاجة وميرسي لطرحكم المشكلة دي وانا قولت لجرايد كتير أطرحوا المشكلة”.
