أحلى جنية … كلمات: فتحي الحصري
أحلى جنية
باشوفك في الصباح نسمة
على جبين الهوا الشارد
يا راسمة الضحكة والبسمة
علي القلب إللي كان بارد
بحبك طفلة بضفيرة
وعين بالكحل تتعايق
ورمش أصيل ماهوش عيرة
عليكي التقل اهو لايق
ياساحرة الكل بدلالك
وراسمة البهجة حواليكى
باشوف السعد راسم له
غناوى الصبح فى عنيكى
باشوفك بت جنية
وخارجة من كتاب حواديت
جميلة وغامضة وشقية
شقاوتك أحلى م العفاريت
بحبك ياللى ساقيانى
نعيم الحب بالكيلة
بحبك بنتى وحبيبتى
ياساكنة القلب ياجميلة
