إحنا الجمهور بقلم: حماده العسكري
إحنا الجمهور
إحنا اللي نجمنا النجوم
ولو قلبنا على نجم يوم
بنرجعه من تاني مغمور
وصل الفن لأسوأ حاله
يا تقدموا لولادنا رساله
يا تقعدوا وتلموا الدور
بتقدموا البلطجه جدعنه
وتجسدوا الشر بحرفنه
ألفاظ على مشاهد زنا
ده مجتمع شرقي يابهوات
بتروجوا للسكك العوجه
وبتقبضوا وراكبين الموجه
المحتوى بقى أخر حاجه
المهم تبقوا ترندات
إحنا الجمهور
كلمتنا هي الأولى
نقدر نمحيكم بسهوله
اللي يلاعبنا يبات مغلوب
ياخساره و ألف خساره
الفن المصرى بقى تجاره
رخصتوه بين الشعوب
أطفال تسمعكوا يرددوا
يشوفوا مشاهدكوا يقلدوا
في أجيال كتير بتفسدوا
بتضيعوا ولادنا وبناتنا
إتأذينا قوي منكم
مش مكسوفين من نفسكم
بكل صراحه فنكم
مابقاش يليق يدخل بيوتنا
