إنتبهوا أيها السادة … بقلم : حماده العسكري
إنتبهوا أيها السادة
خدوا حذركم بزيادة
الموضوع مش مهرجانات
ولا كلمات هابطه بتتقال
الموضوع أكبر بكتير
دي حرب هتدمر أجيال
والقنوات الخاصة سلاحهم
جايبنهم يحكوا على نجاحهم
والدول التانية تكرمهم
تقابلهم أحلى إستقبال
يجيبوهم في مناسبة وندوة
يشوفوهم أطفالنا القدوة
يتمنوا يكونوا يوم في مكانهم
شايفينهم زي الأبطال
الفن رسالة وثقافة
يارب بلدنا تتعافى
من شلة بتدمر فينا
عرايس مربوطة بأحبال
