الأيام بقت شبة بعضها .. بقلم: سامح فؤاد
الأيام بقت شبة بعضها
شروق و غروب
و غروب و شروق
تتغير بس الاطعمة
بس فى اضيق الظروف
احلام بتتولد عشان تموت
و أماني رافضة تتحقق
لقطارها يفوت
و اصبح الروتين أمر واقع
و اللى يطق يموت
هى دية الصورة اللى
بتشوفها يوماتى
تعذب بيها نفسك
كدا على الماشى
فاقد الثقة فى نفسك
ولا فى الايام؟!
نفسك تحلم ولا
خايف من الاحلام؟!
افكار و حيرة
مالية عقلك
وخداك فى دوامة
تهدك بالعافية
تجعلك تصحى
عشان تنام
صورة كئيبة مش كدا؟!
طيب ما تقول لنفسك
و قوم جدد ملامحك
بضحكة تنشط نشاطك
تجعلك خفيف الظل
و الدم كمان
اضحك و سيبها على الله
اضحك و قول يالاه
نلعب حبة و نفتكر
ايام ما كنا اطفال زمان.
قبل شيل الهم
قَبل المعرفة اللى تغم
قبل ما نعرف ان فى ناس
و فى ناس مش ناس.
اضحك قبل ما يجى الحزن
و يسرق الالوان.
اضحك و خد رست أو فاصل
من البكاء و الاحزان
اضحك و سيبها على الله
