الناس الشيك اللي تحليك .. بقلم: حمادة العسكري
الناس الشيك اللي تحليك
و تخلي دماغك حلوه
حتى زعلهم حلو وشيك
كل حاجه فيهم حلوه
أجمل ناس رقه وإحساس
حلوه حياتنا معاهم حلوه
بابهم دايما لينا مفتوح
قعدتهم بترد الروح
معاك دايما لو فين هتروح
معاك ع المره وع الحلوه
الناس الحلوه اللي في حياتنا
دول اللي يستاهلوا أوقاتنا
اللي حيلتنا طلعنا بيهم
من دوشه وزحمه في حياتنا
الناس الثابته جنبنا
قلوب علينا حنينه
وجودهم فارق عندنا
ربنا يديمهم في حياتنا
الناس الذوق على راسنا فوق
كلامهم حلو زيهم
مود القلب قوام يروق
يادوب بكلمه منهم
الوش بشوش مايعرفوش
مره يكشروا وشهم
دول رزق جميل من ربنا
إحلو معاهم حظنا
الناس الحلوه في عمرنا
مانستغناش كده عنهم
الناس الحلوه اللي في حياتنا
دول اللي يستاهلوا أوقاتنا
اللي حيلتنا طلعنا بيهم
من دوشه وزحمه في حياتنا
الناس الثابته جنبنا
قلوب علينا حنينه
وجودهم فارق عندنا
ربنا يديمهم في حياتنا
