الرسامة علياء عبد الخالق لـ عالم النجوم: بربط أحلامي في الفن التشكيلي والهندسة
حوار / أحمد الدخاخني
علياء عبد الخالق, فنانة تشكيلة شابة من بنات محافظة الدقهلية, تدرس حالياً بكلية فنون جميلة تخصص الهندسة المعمارية, والتي تبلغ من العمر 24 عاماً, فمنذ صغرها وهي تعشق هواية الرسم وتقليد الصور, وتتفنن في رسم العديد من اللوحات الفنية من صور الأشخاص بجانب صور الحصان, ورغم أنها تعشق الرسم لكنها تربط أحلامها في عالم الفن التشكيلي بالهندسة المعمارية, وتسعى نحو تحقيق أهدافها في مجالها الفني والمهني.
وفي حوار خاص تواصلت ” عالم النجوم ” مع الفنانة التشكيلية علياء عبد الخالق, وذلك للحديث عن تفاصيل بداية اكتشافها لموهبة الرسم, والصعوبات التي كانت تواجهها في مشوارها, بجانب معرفة أحلامها الكبيرة التي تسعى لتحقيقها على النحو التالي.
كيف اكتشفتي موهبتك في الرسم ؟
من وانا صغيرة كنت دايما احب اقلد أي رسمة اشوفها وكنت بشخبط في دفاتر بابا وعلى الحيط وكنت بطلب من ماما دايما ترسم ليا رسومات واقلدها من هنا بدأ حبي للرسم.
ما هي الصعوبات التي كانت تواجهك في مشوارك ؟
الحقيقة ماكنتش لاقية التشجيع بما فيه الكفاية ناس كتير جداً كانت بتتعامل مع الرسام كأنه آلة طابعة مفيش حد كان مقدر كم المجهود والتعب والتكاليف اللي بيستنزفها من نظره وصحته علشان يطلع حاجة كويسة, الموضوع كان بالنسبالهم اعتيادي مفيش حد مهتم بفن الرسم عامة إلا الأقلية ودي حاجة مخيفة لأن كله بقى يتجه لمواهب تانية أقل ثقافة ورقي.
من هم أكثر الناس تشجيعاً لك في حياتك ؟
زي ما فيه كتير ناس أحبطتني فيه ناس كتير أكتر شجعوني بس أكتر حد مؤمن بيا ماما ثم أختي أكتر ناس شجعتني وأساتذتي اللي ما زالوا مأثرين فيا لحد الآن فاكرة كلامهم المحفز.
ما هي الأدوات التي تستخدميها في الرسم؟
أول حاجة كنت بستخدم الرصاص تون واحد, بعدين بدأت استخدمه بدرجاته واستخدمت بعدها الفابر كاستل والباستل والاكواريل والجواش والفحم والزيت رسمت على خشب وجداريات وزجاج, ورسمت بالجاف.
كم من الوقت تستغرقين في رسم لوحة ؟
الوقت مرتبط نفسياً بصراحة لأن البورتريه ممكن يخلص معايا في 5 أو 6 ساعات ممكن ياخد معايا وقت ودقة أحب اتفنن براحتي اسبوع واللوحات التعبيرية ممكن اخلصها في وقت قياسي جدا بي على حسب دقة اللوحة ونوع الخامة اللي بستخدمها.
هل حصلتي على جوائز أو تكريم ؟
جميع المراحل الدراسية كنت باخد تكريمات وآخر تكريم دراسي كان من الأستاذ الدكتور بتاعي في قسم العمارة, ولوحاتي اتكرمت من اللوحات المميزة, انا مكنتش مهتمة أوي بأني أحضر المعارض, وأول معرض حضرته كان أفضل بورتريه بدار ابن لقمان اخدت درع وتقدير, وان شاء الله أول معرض ومش هيكون الآخير.
ما هي أحلامك الكبيرة التي تسعين لتحقيقها ؟
أنا دايما بربط أحلامي في الهندسة والفن مع بعضها بتمني اكون مهندسة معمارية شاطرة وفنانة تشكيلية متميزة.
