المخرج محمد سراج الدين لـ جريدة عالم النجوم..”اتهموني أني ماسوني وبنشر أفكار شيطانية في أفلامى
المخرج محمد سراج الدين لـ جريدة عالم النجوم..”اتهموني أني ماسوني وبنشر أفكار شيطانية في أفلامى
حوار مادونا عادل عدلي
جيل مختلف، يحاول أن يقدم اصدق ما لديه من مشاعر تجاه اعماله ومن الصعب ان تجد شخص يحاول تقديم عمل رعب بكل هذه التفاصيل الصادقة والمُخيفة.
استطاع أن ينتظر سنوات حتى يقدم عمل ينال عليه جوائز كثيرة ومهمة ويحاول أن يكن تركيزه كاملًا على نقاط مهمة تجذب الغير
مخرج مصري نال العالمية، تميز عن مخرجين جيله بأعماله المتميزة وتفكيره المختلف وقدرتة على مناقشة القضايا الأكثر مساسا بأوضاع المجتمع تميز بجرأتة في مناقشة الرعب،اختار أن يطلق لخياله الواسع
ترك أفكاره تفرض نفسها في عالم الواقع اختار أن يعبر عن الأمل .. لذا قرر أن يعبر عنها بحرية كاملة وبمنتهي المصداقية
حوارنا مع المخرج المميز” محمد سراج الدين “ مخرج “فيلم بيلفيجورين” والذي استطاع أن يقدم سينما حقيقية.
حدثني قليلًا عن فيلمك بيليفجيورين ؟
فيلم بيلفيجورين هو فيلم رعب بعتبره احياء سينما الرعب الكلاسيكى زى سينما الفيرد هيتشكوك و جورج ملييس
كمان يعتبر اول فيلم رعب عربى يحتوى على مشاهد حقيقية و ده يمكن اللى سبب فى حصوله على جوائز عالمية ما بين جايزة أفضل فيلم رعب و أفضل مخرج .
هل لهذا الاسم معنى وهل اختياره جاء من باب الصدفة أم ماذا؟
الفيلم بيتكلم عن شيطان من شياطين جهنم السبعة طبقا لبعض الكتب السماوية و يدعى بيلفيجور , و الفيلم مبنى على احدى الطقوس التقربية للشياطين عموما و لبليفيجور خاصة , علشان كده كان اسم الفيلم بيلفيجورين.
صرحت بإنك كنت بتشوف حاجات مرعبة في تصوير فيلمك بيليفجيورين فماذا تقول لمن يرى أنها خرافات؟
أقولهم تعالوا عيشوا بس يوم واحد فى الشقة اللى صورنا فيها الفيلم وهما يتأكدو بنفسهم , ان الموضوع مش مجرد رعب و حاجات بتتحرك ولا خيالات , علشان كده بأكد تانى على ان الفيلم جلب كيانات شيطانية مازالت بتطارد صناع الفيلم و المكان اللى تم التصوير فيه.
هل فكرة الإنتاج لنفسك لانك تحب هذا ام ماذا؟
أول سبب علشان اضمن الحرية الكاملة على ترح الفكرة بدون التقييد بأى شئ و بعيد عن اى سيطرة مادية , تانى سبب و ده اهم و هو لحد دلوقتى مقبلتش حد قادر يتفاهم مع الكميا او الاهداف اللى عايز اوصلها بأفلامى علشان كده اغلب اعضاء فريق العمل بيكون من بره مصر للاسف.
فيلم بيلفيجورين صُنف أنه من أفضل الأفلام العالمية فحدثني عن تحضيرك وترتيبك للعمل؟
انا بقالى اكتر من 11 سنة بكتب فى مجال الرعب بمختلف انواعه ولكن لما قررت انفذ فيلم كان مزج ما بين الرعب النفسى و نوعية افلام الأشباح او الشياطين وده اهم نوعين من افلام الرعب , و علشان دراستى اللى كانت عبارة عن دبلومة فى السينما النفسية عموما فا ده سهل عليا كتير فى تحضيرات الفيلم , كنت عارف كويس انا بعمل ايه و عايز اوصل لايه , فا التحضيرات والترتيبات مخدتش وقت كبير لكن التصوير اخد وقت و ده نتيجة لتوقف التصوير ايام كتير بسبب الحاجات الغريبة اللى كانت بتحصل للأسف.
هل من عمل اثر فيك؟
اعمال كتير لكن بختصار كل اعمال الفيرد هيتشكوك و كل اعمال ستنالى كوبريك
كيف ترى السينما في مصر؟
بصراحه في مصر بحب و بميل اكتر للسينما الكلاسكية كانت فترة مصر بتنتج افلام كان وقتها دول كتير فى العالم لسه مش عارف يعنى ايه سينما , فا فترة ما بين الأربيعنات للسبعينات فى تقديرى هى الجولدن ايدج او العصر الذهبى للسينما المصرية و بجد اتعلمت كتير منها كا مؤلف و مخرج , لكن الفترة دى اللى احنا بنعشها رغم الامكانيات الجبارة و الميزانيات الضخمه لكن مش قادرين نوصل لفترة مجد السينما المصرية الحقيقى
هل من فكر معين تود أن تقدمه في أعمال قادمة لك؟
اكتر من فكرة لكن مش هخرج بعيد عن الرعب او الرعب النفسى تحديد , و كمان ايام هبدأ تصوير فيلمى اللى جاى
حدثني عن موقف صعب أن تنساه في حياتك وأثر في نجاحك؟
مواقف كتير جدا لكن اهمهم اللى حصل معايا من سنتين تقريبا
و ده كان بعد ما وقعت عقد فيلم مع شركة انتاج كبيرة جدا فى مصر كا مؤلف فقط , و كان مرشح للأخراج مخرج كبير و معروف جدا بدون داعى لذكر اسماء , و فى ايام اجتماعات و تحضيرات الفيلم بدأت أتعرف اكتر و تبان قدراتى كا مخرج خاصة ان الفيلم كان بردو رعب و انا اللى كتبه كمان , فؤجت بأتهمات بشعه من المخرج و فريقه , اننى لا افقه شئ تماما لا فى الاخراج ولا حتى الكتابة لدرجة انهم احضروا كاتب سيناريو اخر لتعديل على النص اللى كتبه , و اتهمت انى ماسونى و الافكار اللى وضعتها في الفيلم ما هى الا افكار شيطانية مريضة , ولكن اكتر ما اثر فيا هو اتهامى انى بعيد تماما عن الاخراج ويوم ما هبقى مخرج هبقى مخرج فاشل و مدعى و بعدها بحاولى 11 ايام تحديدا بدأت انفذ فيلم بيلفيجورين ونجح نجاح عالمى كبير و حصد جوايز كتير وشارك في اكثر من 30 مهرجان دولى فى اكتر من 15 دولة , والفيلم اللى حصل بسببه كل الاتهامات دى توقف انتاجه حتى الان .
كيف ترى التريند؟
انا تقريبا الشخص الغلط اللى ينفع يتسال السؤال ده ومحدش هيصدق لو قولت ان عمرى ما شاركت فى اى تريند على اى منصة و منصات وسائل التواصل الاجتماعى , و رأى لو قولته فى اللى بيتابعوا الترندات هيزعل كتير و انا مش حابب ازعل حد في النهاية كل واحد حر و ده عمرهم يضيعوه برحتهم .
هل ترى أن السينما “يوسف شاهين” فقط؟
لا طبعا … الاستاذ يوسف شاهين عظيم جدا و سينما شاهين مميزة و عبقرية و اتعلمت منها كتير و كانت فعل سابقه عصرها بسنين طويلة و هى مدرسة سينمائية حقيقية على اعلى مستوى , لكن فين كمال الشيخ و داود عبدالسيد و عاطف سالم و حسين كمال ومحمد خان و على عبدالخالق طبعا مع حفظ الألقاب كلهم اساتذة عظماء قدروا يغيروا و يشكلوا وعى كامل للمجتمع المصرى و العربى كمان , هوليوود الشرق اكيد ده لقب مجاش من فراغ ولا عن طريق افلام مخرج واحد بس
حضرتك مع المخرج اللي ممكن يدوس على اي حاجة علشان يكون تريند بعمل ليه؟
اللى بيدوس على اى حاجة مقابل تصدر التريند ده فى الاساس داس على نفسه فى البداية , بمعنى انه اقدم اكيد تنازلات كتير علشان يشغل الرأى العام يمكن احيانا بيجى على حساب سمعته و احيانا تانى لما بيكون التريند جدالى بنلقى هجوم كبيرة عليه و على مسيرته و احيانا أسرته , علشان كده فكرة اثارة التريند بأى شكل محدش بيدفع تمنها غير اللى بيثير التريند نفسه .. فا اكيد ضد ده تماما .
شايف أن القبلات في السينما لازم تكون حقيقية ولا ممكن نستعين بقطع المشاهد بشكل حلو؟
ده يرجع لرؤية المخرج هو شايف عايز يقول ايه و اذاى و بأى طريقة , يمكن انا كا مخرج مش مع المشاهد الصريحه لانى فى رأى فيها استسهال , الفن فى قدرته الأيحائية أعظم بكتير من المشاهد المباشرة
وده كمان بيكون قوته اعلى و اكبر على الجمهور او المتلقي فابالتالى هتكون مؤثرة اكتر, لكن مش معنى كده ان مع فكرة السينما النظيفة و المصطلح الغريب ده , لان فى راى مفيش سينما غير نظيفة علشان يبقى فيه نظيفة , السينما سينما , اينعم لازم نراعى بعض الضوابت المجتمعية لان فى النهاية احنا بنصنع سينما و فن للجمهور مش لنفسنا .
