“بحبك قد الكلب”… حسن الرداد يروي موقف مع زوجته لـ صاحبة السعادة
كتبت/ مادونا عادل عدلي
قال الفنان حسن الرداد وروى موقفا كوميديا مع زوجته الفنانة إيمي سمير غانم قائلا:
“أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان
وعن القطط قال… ابقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد
وأضاف أثناء استضافته خلال برنامج “صاحبة السعادة” مع إسعاد يونس: “ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا، ده أنا كنت بقول لبابا كده إن هو والكلاب أكتر حاجة بحبها في حياتى”.
والجدير بالذكر أن كان قد كشف الفنان حسن الرداد كواليس استعداده لفيلمه الأخير “تحت تهديد السلاح”
وقال: “حينما علمت أن الفيلم مبنى على قصة حقيقية أخذها أيمن بهجت قمر من ملفات بمكتب محاماة أعطانى الأمر دفعة أكبر للعمل على الشخصية بصورة زائدة، فحاولت الاستعداد بكل ما أوتيت من قوة ومعرفة حتى أننى تواصلت مع طبيب لمعرفة أمور عديدة تساعدني على أداء ولعب الشخصية”.
