تامر حسنى يستعيد ذكريات الدراسة بصورة مع أطفال معهد الموسيقى
كشف النجم تامر حسنى عن تفاصيل صورة من كواليس تصويره إعلانا جديدا مع أطفال يدرسون الموسيقى في معهد الكونسرفاتوار “المعهد العالي للموسيقى”.
وظهر في الصورة الفنان تامر حسنى وهو يغنى بصحبة الأطفال.
وذكر أن نظرة الأطفال له في الصورة عادت به إلى الذكريات حينما كان يدرس في المعهد قبل ذلك. ولحظة شعوره بالسعادة مع زيارة أي نجم لهم.
و كما نشر النجم تامر حسنى، الصورة على صفحته الرسمية بموقع “فيس بوك”.
حيث قال: “يا نهار الشوق على أجمل ناس الصورة دي من تصوير إعلان جديد ليا بس تعنى لي كتير أوى؛ عشان كدا حبيت أكلمكم عليها وبعد ما اخلص كلام هتتأكدوا أنها تعنى لكم انتم كمان، هحاول اختصر”.
و كما تابع: “من سنين كنت مكان الأطفال الجميلة دول بدرس الموسيقى هنا في الكونسرفاتوار ولما كان يدخل علينا فنان مشهور كنا بنفرح أوى وبيبقى عندنا حالة ذهول. وكنت بقول يا رب في يوم من الأيام أكبر وأنجح وادخل نفس الدخلة دي وأنا فنان مشهور. واشوف نفس النظرة الجميلة دي في عيون التلاميذ والأستاذة”.
واستكمل: “الحقيقة إني لما دخلت عليهم شفت نظرة أكبر بمليون مرة من اللي حلمت بيها.
نظرة حب وبكاء ومثل أعلى وأسئلة كتير منهمة عن مشواري وفضلت يوم كامل اثناء التصوير بحكي لهم و بشجعهم. و امتشينا في كل مكان جوه المعهد درست فيه ولعبت فيه”.
ووجه الفنان تامر حسني نصيحة أخيرة ..قائلا: “هقول حاجة وكل واحد يقيسها على مجاله، أكتر حد فيكم هيحب النظرة والمعنى اللى فى الصورة وهيتمناه وهيتعب له، هو أول واحد هيوصله بس كدا.. نهاركم جميل زيكم”.
