تامر عاشور: العمل مع عمرو دياب شرف.. وهذا سر عدم تكرار التعاون معه
كشف الفنان تامر عاشور سر عدم تكرار تعاونه مع الفنان عمرو دياب بعد أن لحنه أغنية “روح”.
وقال تامر عاشور في تصريحات لبرنامج “حبر سري”: “اشتغلت مع عمرو دياب أغنية واحدة بس وما اتكررش التعاون تاني، رغم إننا اتقابلنا تاني وقال لي عايزين نشتغل تاني قلت ده نفسي وإن شاء الله نجهز حاجة والشغل معاه شرف ونفسي اشتغل معاه”.
وأضاف: “الشغل مع عمرو دياب شرف وأحب طول الوقت اشتغل معاه واستفيد منه وحاليًّا شغال على أغنية بس لسه ما سمعهاش بس أنا متأكد إنها هتعجبه”.
وانتقد تامر عاشور تصريحات الفنان عمرو مصطفى، التي يتحدث فيها عن عدم وجود أسماء ناجحة في عالم الغناء.
وأضاف: “مينفعش عمرو مصطفى يقول كل اللي عملوا أغاني قبل كده وبعد كده مش ناجحين، في حين إن في ناس كتيرة ناجحة”.
وتابع: “مش شرط يقول كلام عني شخصيا، لكن مينفعش تقول كل اللي في بلدك مش ناجحين لمجرد إن ليك مشكلة مع شخص واحد”.
وردا على سؤال هل لعمرو مصطفى الحق في انتقاده، قال تامر عاشور: “ينتقدني زي ما هو عايز، وفي الآخر الجمهور موجود، لكن مفيش حد ممكن يذوق النجاح إلا من على جيتار عمرو مصطفى دي بدعة، ومينفعش أنصب نفسي إله الفن، واللي مش هيشتغل معايا وقع”.
