تامر فرج للمخرج وائل فرج: “لما يكون فيه منك هاي كوبي”
كتبت: ابتسام السيد عبد الغفار
وفقاً للتشابه الكبير بين الفنان تامر فرج وأخيه المخرج وائل فرج، نشر الفنان تامر فرج منشور عبر حسابه الشخصي على “فيسبوك” ، يوضح فيه ذلك التشابه قائلاً :
“لما يكون فى منك هاى كوبى، نفس مشكلة كل سنة ،اللى كان حاضر مهرجان الجونة ده اخويا المخرج وائل فرج مش انا ،وحاضر بصفته كمخرج وشركته أحد رعاة المهرجان ،انا محضرتش المهرجان ولا مرة والمصحف ،وان شاء الله مش هحضر غير لما يكون ليا لزمه ومدعو رسميا من إدارة المهرجان اللى أكيد فاكرين زى ناس كتير ان انا اللى بحضر كل سنة ،وائل راجع بيقولى ان احساس غريب قوى انك مش عارف تحس ان انت هو انت ،وان الناس بتعاملك على انك واحد تانى وانت بتضطر تتعامل وتتصور كواحد وانت جواك واحد تانى ،فتحس انك هاى كوبى مش اصلى ،ربنا يخلينا لبعض يا لول ومنتحرمش من بعض ابدا وتفضل كده مشرفنى فى الحتت اللى مابروحهاش ،القمر.”
ليرد عليه المخرج وائل فرج عبر حسابه الشخصي على “فيسبوك” قائلاً :
“من أغرب المواقف اللي حصلتلي فالمهرجان بسبب موضوع الشبه ده واللي وقفت قدامها صامت لمدة ثواني بدون أي تعليق مش عارف المفروض أقول إيه
الموقف الأول: أحد الأصدقاء جاي يسلم عليا وبيقولي على فكرة أنا صاحب وائل أخوك ،بعد لحظات صمت رديت عليه (ما هو أنا وائل أخوه وصاحبك يا أهبل)
الموقف الثاني: صديقة عزيزة ومقربة جداً ومتعرفش تامر معرفة شخصية قابلتها في حفلة وسلمت عليا بفتور غريب إفتكرتها زعلانه من حاجة ،تاني يوم قابلتني مقابلة حارة جداً وقالتلي لسه شايفة أخوك إمبارح في الحفلة.
أنا بقيت أقصد أكون ودود بزيادة مع اللي يعرفني واللي ميعرفنيش عشان مشوهش صورة إنسان تاني غيري ،عشان محدش يقول عليه تنك وبيتنطط.”
يذكر أن آخر أعمال الفنان تامر فرج مسلسل “الآنسة فرح” حيث يجسد شخصية “الفنان ماجد الألفى” الذى يعمل كممثل ويقوم ببطولة مسلسل يدعى “لهيب القبطان” ويقوم بدور والد الفنانة “أسماء أبو اليزيد” التى تجسد شخصية “فرح” التى تدور حولها احداث المسلسل.
