تصريحات الفنانة شيرين عبدالوهاب عن طليقها حسام حبيب والتي فتحت النار عليه
كتبت/ بسمة باسم
ظهرت الفنانة شيرين عبدالوهاب مع الإعلامية لميس الحديدى في برنامجها الذي يعرض على قناة أون وتحدثت معها عبر الهاتف، وقالت الفنانة شيرين مجموعة من التصريحات والتي كانت قد اخفتها من قبل بسبب حبها لطليقها، ولكن بعد ما فعله بها تحدثت عن ما كانت تخفيه، وعن حياتها الزوجية البائسة.
حيث بدأت الفنانة شيرين حديثها قائلة:- “عايزة أبتدي إني أتأسف إني كدبت عشان أخلي صورة إنسان تبقى كويسة”، وسألتها الإعلامية لميس وقالت انتي بتقولي كذب يا شيرين؟
فاجابتها شيرين وقالت “أنا كذبت مع إن دي أكتر حاجة ربنا مابيحبها، وأكملت حديثها وقالت أنا كذبت في حاجات كتير أوي عشان أنا بنت أصول وعشان الإنسان ده لو حب يتجوز يعرف يتجوز ، وأنا بصراحة نفسي يتجوز ويغور بعيد عني”.
وطرحت عليها الإعلامية لميس الحديدى سؤال وقالت:- طب أيه اللي جدد الموضوع مش كان خلاص خلص؟
وردت عليها وقالت لها “عشان أنا ست قاعدة في أمان الله مع العيال اللي شايفين الويل ومكناش عايشين وبناتي مكانوش عارفين يقعدوا معايا وظروفي صعبة ، عايشة مع زوج مبيشتغلش تقريبًا فعايشة 24 ساعة تقريبًا محبوسة في أوضة نومي قاعدة بس، فأنا غلطت في حق نفسي وكنت فاكرة إني بحافظ على بيتي بس ده مكنش بيت دي كانت عيشة فئران”.
وأكملت قائلة:- “أنا كنت طول الوقت بحاول أجمل صورته بس سوري يعني الناس مش هُبل الناس عارفة إني بكدب ، الراجل اللي كنت عايشة معاه لا بيشتغل ولا بينزل يشوف أهله ولا صحابه مبيعملش حاجة غير حب الامتلاك، فضلت جمبه وبدافع عنه وأنا ست خدامة الراجل اللي عايشة معاه وده مش عيب، قسمًا بالله العظيم خسرني كل الناس أخويا وأبويا وأمي وصحابي والسواق واشغالة بتاعتي لدرجة إنه حسسني فعلا إن فيه مؤامرة إننا منكونش مع بعض وانا صدقته رغم إن الحقيقة غير كده،ده لازم يتعالج نفسيًا لأنه عايزني قدامه وخلاص”.
وصرحت شيرين وقالت:- “لو روحت غنيت وعملت فرح ناجح ينكد عليا، انتي كنتي ماسكة الولد كده ليه؟ أقوله يابن الحلال ده قد ابني!، لو روحت عملت إعلان ناجح نفس اليوم يتنكد عليا مع إني تريند”.
فسألتها الإعلامية لميس وقالت لها:- بس انتي كنتي مطلقة الوقت ده يا شيرين؟!
فاجابتها وقالت لها “بعد اللي حصل حسيت إني لسة بحبه ومش قادرة استغنى عنه وليه مديلوش فرصة تانية ف لما اتنيلت على عيني اتطلقت رجعتله تاني بس بشروط، كنت فاكراه ابني مش جوزي بس واهتميت بيه وعملت ستوديو عشان شغلي وشغله واشتريت ليه كل الاغاني اللي عجبته بشيكات باسمي عشان اضمن إن الأغاني دي متروحش منه، وبعدين ألاقيه بعد كده بيتهمني إني تخنت وبقيت شبه أمي وانا عايز واحدة رفيعة اتباهى بيها ده غير الخناقات اللي فيها ضرب وسحل على الأرض وشتيمة مفيش بني آدمة تقبلها على نفسها”.
وتحدثت الفنانة شيرين عن قصها لشعرها وقالت:- “أنا لما قصيت شعري وطلعت غنيت كان علشان بناتي ميتقعدوش أمهم كانت قرعة فأنا حسستهم إني عملت نيو لوك وتعبت لما الناس شافتني بالمنظر ده، وأنا آسفة لشيرين عبد الوهاب وآسفة لجمهوري اللي كان شايفني وعارف إن أنا مش كويسة وأنا طالعة أقولهم كلام ملوش أي علاقة بالواقع”.
وبعد مكالمة الفنانة شيرين عبدالوهاب الإعلامية لميس الحديدى، ظهرت ابنة حسن ابوالسعود وهاجمت شيرين بسبب تصريحاتها المسيئة فى حق والدها الموسيقار الراحل، وقالت لها:- “عيب وحرام اللى قلتيه ده، فيه عائلة كاملة بتدعي عليكي دلوقتي، ده تنمر، والدي كان مريض”.
وانقسم رواد التواصل الاجتماعي إلى قسمين بعد تصريحات شيرين حيث يرى البعض أنها كانت تريد لم شمل عائلتها وأنها مظلومة، ويرى البعض الآخر أنها قد فقدت مصدقيتها حيث ظهرت من فترة أيضا على الانستجرام وقالت أن طليقها تهجم عليها بمسدس.
