خالد محمود لـ ياسمين عز… “رفضت مشهد قبلة في أحد أفلامي خوفًا من تحمل الذنب”
كتبت/ مادونا عادل عدلي
استضافت الإعلامية ياسمين عز الفنان خالد محمود في برنامجها”كلام الناس” المذاع على قناة mbc مصر حقيقة التصريحات المنسوبة له حول السينما النظيفة.
وكشف خالد محمود، خلال حوراه مع الإعلامية قائلًا…
“أنا عمري ما تدخلت في حياة حد وكل واحد مسئول عن اختياراته وبالبلدي كل واحد عقله في رأسه يعرف خلاصه، وأنا مش هعدل على واحد أو واحدة خدت قرار في حياتها وشايفينه صح.
وأعلن خالد محمود بأنه رفض تقديم مشهد قبلة في أحد أفلامه خوفًا من تحمل ذنب المشاهد
ووضح خالد: أنا مؤمن بالسينما النظيفة تمامًا، وأنا تعرضت لها في أحد الأفلام أن المخرج كان عايزني أبوس البطلة، وسألته وقتها إيه لازمة البوسة؟ أنت ممكن تعوض المشهد بالكاميرا بطريقة معينة، وهو كان مُصر وأنا رفضت تمامًا والحمد لله صورنا من غير المشهد، وقولتله في النهاية المشهد مش هيضيف وبلاش تخليني ألعب على الغرائز وأشيل ذنب ووزر حد في حاجة حرام.
وكشف الفنان عن سبب رفضه دخول ابنته المجال الفني
قائلًا: أنا مش بقول إن بنتي متمثلش بغرض إني أزعل الناس مني، ولكن أنا عارف قد إيه الطريق مرهق بالنسبة للبنت، وفي بنات بتقدر تتحمل وفي بنات بيعجزوا في النص وبيقعدوا في البيت، فأنا من إشفاقي على بنتي قولتلها بلاش تمثيل.
وأضاف خالد : بناتي متعددات المواهب والسنة دي بنتي دخلت كلية علاج طبيعي وهتبقى الدكتورة وبنتي الصغيرة بتمثل من أول ما تصحى لغاية ما تنام، وبتقولي عايزة أمثل اشمعنى أنت بتمثل.
