ريهام عبد الغفور لـ صاحبة السعادة.. “كنت منطوية وبتكلم مع عروستي”

كتبت/ مادونا عادل عدلي

تحدثت الفنانة ريهام عبد الغفور عن حقيقة ميلادها في المحلة، وقالت خلال تصريحات لبرنامج “صاحبة السعادة”: 

ما أعرفش مين كتب كده عليا، لأن الموضوع ما لوش أي أساس من الصحة، فأنا مولودة في القاهرة، وما اعرفش بابا راح المحلة امته، بس الموضوع بقى كتير بيتداولوه إنه حقيقة”.

وقالت الفنانة ريهام عن طفولتها :”أنا طفلة كان ممكن أقعد 10 ساعات ألعب في الرمل لوحدي 

وكانت والدتي بتشوفني كتير بتكلم مع العروسة بتاعتى، وكنت مكسوفة جدا وحساسة جداً جداً، وطفولتى كانت هادية وكنت منطوية”.

وأكدت ريهام عبد الغفور على تعلقها الشديد بوالدها قائلة : “أنا بنت أبويا جداً، وكنت طفلة خجولة أوى، حتى إني كنت بخبى وشى أثناء التقاط أي صورة لوالدي مع أي حد وأنا موجودة فيها، وده كان مخلى أهلى مش متخيلين إني همثل”.

وكشفت ريهام عبد الغفور خلال الحلقة كواليس أعمالها الفنية قائلة : “بحب أعمل حاجة أتعب أوى عشان أوصل لها”