عقب إنفصال ياسمين عبد العزيز… ريهام حجاج ترد على فبركة إستوري 

كتبت/ مادونا عادل عدلي 

ردت النجمة ريهام حجاج على ما أثارته بعض صفحات وسائل التواصل الاجتماعي

حيث أكدت بأن هذه الصفحات إدعت كذبًا وبهتانًا أنها كتبت على «استوري» عبر موقع تبادل الصور والفيديوهات «إنستجرام» عبارة: «النهاردة أسعد يوم في حياتي»، وقامت هذه الصفحات بفبركة ذلك المنشور كي تدخلها في أمور لا شأن لها بها.

وكتبت ريهام حجاج معلقه على الفيديو التي بثته ” عيب احترمو نفسكم بقا وخللي عندكم دين وأخلاق بدل الانحدار اللي بقيتو فيه دا… حاتتعظوا امتة دا الناس في غزة بتموت وانتم فاضيين للشر والافتراء.

وقد قالت «ريهام» في فيديو بثته عبر حسابها الشخصي على «إنستجرام» لتوضيح الأمر: 

«طالعة النهاردة أعمل الفيديو ده علشان أرد وأنا مش متعودة الحقيقة إني أرد على أي إشاعات أو أي افتراءات، حصل قبل كده بقالي 6 سنين كلام أنا عمري ما قولته وبيتقال حاجات عمرها ما حصلت مني وأنا عمري ما رديت».

وأكدت “بس النهاردة قررت إني أرد وسخافة أوي بصراحة وقلة احترام وقلة دين وقلة تربية إني أبقى قاعدة في البيت لا بيا ولا عليا، وكان بقالي 7 ساعات مامسكتش الموبايل أصلا، وفجأة اكتشف إني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا بأخلاقي”

وإختتمت ريهام حجاج قائلة: “وحابة أرد بقى النهاردة، لأني بعد كده مش هسمح لحد إنه يطلع عليا إشاعات وأسكت أنا معملتش كده وناس كتير أوي متبعاني وباعتين لي بيقولولي أنتي منزلتيش حاجة والناس بتقول إنه منتشر على صفحات كتير كلها صفحات رخيصة بتدور على الفتنة والوقيعة بين الناس”