فن الإبداع بين الريشة والألوان: لقاء مثير مع الفنان التشكيلي سامح دويدار

إعداد وحوار / مايسة عبد الحميد 

في لقاء حصري لعالم النجوم لنا حوار شيق مع أحد المواهب الشابة التي تفوقت على نفسها وحلقت في السماء الإبداع بريشة ذهبية لأنه فنان ومبدع من الطراز الأول أستطاع أن يصعد بحلمه من سلم بدايته هاوي ينسخ الاعمال لكبار الفنانين ويصل إلى فنان ذو طابع خاص يستطيع ان ينقل أحاسيسه سواء حزن أو فرح من خلال اللوحات ويقنع بها الجمهور وذلك لأن لديه قناعات أن الفن لا يدرس في الكتب ولكنه أحساسه وموهبه وممارسة ، عاشق للمدرسة الأكاديمية والانطباعية.

ماذا عن بداية الفنان سامح دويدار في الفن التشكيلي؟

أنا خريج كلية أصول دين أزهر وبدأت أرسم عندما أرى لوحة تعجبني كنت أجرب، مع العلم إن والدي مهندس وكان يرسم وأختي الكبيرة كانت ترسم وكانت في مرسم حلوان اي أن الأسرة لديها مواهب بترسم لكن أنا لا، بدأت الرسم عندي 29 سنة أو 30 سنة وبدأت بالمدرسة الانطباعية ودي نقطة مهمة جدا يعني البداية كانت الانطباعية باحتة يعني كنت برسم لوحات إدوارد مانيه Cloud Money Reen War Agar نسخ لوحات Edward Money

لذلك هي بدأت بمدرسة معينة أنا متأثر بها جدا مدرسة أنطباعية بدأت بصراحة بداية كانت مهمة جدا جدا، بدأت مش دراسة نظرية واريد أن أؤكد على ذلك إن درستي عمرها ما كانت نظرية يعني عمري ما قرأت كتاب عن الفن، عمري ما سمعت محاضرة عن الفن، لكن كنت بشوف لوحات لكبار الفنانين وأبدأ أنسخها وأتعلم منها ، كل فنان بستنتج منه فكرة، بستنتج منه نوعية معينة من الفن، فبدأت أنطباعي وبدأت الرسم عملي مش نظري وكان عندي مشكلة في فكرة إني أقف واتكلم عن لوحة أنا طول عمري شايف إني قراءة اللوحة مبتبقاش زي قراءة الكتاب القراءة الأدبية مختلفة تماما، أنا بقرأ شعر، بقرأ أدب، وذلك مختلف تماما عن إني أقرأ لوحة، قراءة اللوحة نتيجة الألوان والخطوط لاتعني أنا أقول هذه تعني كذا وهذا تعني كذا.

إلى أي نوع من الفنون تميل؟ وماهي أدواتك؟

بدأت ‏‏إنطباعي وأكاديمي، لوحة اسماء مجدي أنا رسمها وموحودة في المعرض، لوحة أكاديمية، فأنا عاشق جدا المدرسة الأكاديمية والانطباعية مش من هواة المدرسة التكعيبية ولا السريالية ولا التوحشية يعني اه ممكن تعجبني بعض اللوحات لكن أنا ليس لي ميول لها إطلاقا.

هل الحالة النفسية توثر على الفنان وتنعكس على لوحاته؟

الحالة النفسية جوهرية يعني عندما يكون الشخص زعلان أفضل شيء هو يرسم شيء فيه حزن لما الشخص يبقى سعيد أفضل شيء يرسمه هو حاجة فيها سعادة ، ورد لو عكس كذا لوحة لا يمكن توصل للناس

ماهي عوامل نجاح الفنان في إخراج عمل مميز؟

والله عوامل النجاح ده سؤال مهم جدا جدا جدا افتكر مقولة اينشتاين جنسيتي العبقرية 99% اجتهاد وواحد% حظ اللي احنا بنقول عليه توفيق من ربنا نسميها أي حاجة زي كذا أنا شايف أن الممارسة وتنمية الأحساس يعني عوامل النجاح أولا إن أنمي الأحساس عندي أنمي الأحساس إزاي ممكن أجملها في نقطتين تنمية الأحساس وتنمية المهارات، تنمية الإحساس عن طريق أننا بروح متاحف كثير فحضور المتاحف وحضور الجلاري غير وجهة نظري كثيراً عن الفن وفني جدا جدا جدا في الفن متحف كثير جدا مودرن آرت وكلاسيك وأنشنت إيجيبشن كله يجعل الشخص ثري جدا في الفكر، تنمية الممارسة، تنمية الموهبة، تكون إننا نمارس كثير أنا طول عمري، ورقة وقلم معايا حتى لو أنا قاعد فاضي أفضل أرسم شجرة أرسم عصفور أرسم لغرض إن أنا انمي الموهبة لدي، إن يدي تعرف تجيب الخطوط بشكل بسيط جدا وسهلة جدا ويوصل للناس شايف انه هي عن طريق تنمية الإحساس بالمتاحف وتنمية الموهبة بممارسة الفن

ماهو النقد الذي وجه للفنان سامح دويدار وكان سبب في تغير لوحاته؟

ممكن يكون في حاجات بسيطة زي البراويز لاني كنت غير مقتنع بفكرة إن البرواز له أهمية أنا في الأخر برسم اللوحة بس دكتور خالد هانو قال لي خذ بالك من البرواز ممكن يبقى باللهم أو لا ففتح أمامي باب إني أقرأ كثيراً عن البراويز وعرفت كل ستايل له ستايل وأن البرواز ده جزء لا يتجزأ من العمل الفني يعني زي ما أنا بختار اللون اللي أنا هرسم به اللوحة زي ما أنا بختار موضوع اللوحة بختار البرواز فهو لا يقل أهمية عنه وده كان حاجة جميلة جدا وإيجابية جدا إن أنا كنت بسمع خصوصا أنا كان معايا ناس كانوا بيتريقوا ويعني ايه ده هو في حد بينتقد البرواز لكن أنا فعلا حسيت ان الكلام منطقي جدا يعني في الآخر اللوحة بتتعلق في البرواز، البرواز جزء من العمل الفني أنا شايف أنه كان النقد الوحيد غير كده، أنا لما بدأت بدأت بنسخ كثير كثير ممكن يكون في نقد ثاني إني لحد أمتى هتفضل تنسخ فأنا كنت برد لحد لما أتعلم كويس لحد لما ألمس إحساس كل فنان بشكل صحيح فكان يهمني جدا جدا إني أنا أنسخ لوحة لفمرميل أعرف هو عمل الجمال ده إزاي انسخ لوحة لمونيه انسخ لوحة Gadd وورد، انسخ لوحة ادجار ديجا .

ماهي نصيحتك للمواهب الصغيرة لكي تخرج للنور وتكون مشروع فنان؟

نصيحتي للمواهب الصغيرة تتخلص في نقطتين مهمين جدا أول حاجة مارس رسم كثير جدا على قد ما تقدر يعني لو أنا مفيش أي حاجة امسك ورقة وقلم ورقة قديمة وقلم وأرسم، ثاني نقطة نمي ثقافتك الفنية جدا، تنمية الثقافة الفنية نقطة جوهرية جدا بتشكل الفنان، أنا عمري ماشوفت فنان عظيم إلا وثقافته الفنية رائعة مفيش فنان مجرد إيد مفيش فنان يرسم بس الفنان بيبقى ثقافة، الثقافة في غاية الأهمية وأنا للأسف شايف فنانين كثيرة ليس لديهم ثقافة.

نصيحتي المشاركة‏ في الجاليرهات يعني في جاليري سيقام في مكان ما أقدر اشارك بلوحة أشارك حتى أسمع رأي الناس بأكبر قدر ممكن حياتي بيبقى عندي مناعة أنا مش أي نقد يوقعني لا أنا خلاص شاركت مرة واثنين وثلاثة وسمعت نقض مرة رديت عليه وسمعت نقد ورديت عليه فالمشاركة مهمة جدا عشان الناس تشوف لوحاتي وتقول رأيها وأطلع للنور بقوة.

كلمنا عن معرضك في ساقية الصاوي وعدد لوحاتك به؟

‏والله أنا مبحبش اتكلم عن لوحاتي خالص مفيش حد بيتكلم عن أغنية ليه أو عمل له أنا بصراحة سمعت ريفيوهات كثيرة من فنانين كثيرة على صفحتي إلى جانب حلقة على قناة TV E فيها آراء لفنانين كبار منهم النجم القدير محمد التاجي وفنانين آخرين حقيقي عجبني جدا جدا رأيهم اتصدمت أصلا انه نفس الإحساس اللي أنا حبيته هو نفس الأحساس اللي الوصل للناس لوحة المطر وصلت للناس جدا جدا هذه اللوحة هي الوحيدة اللي أنا كنت معلقها في غرفتي وكنت سعيد بها جدا جدا جدا فكنت حاسس أن هي يعني عمل كبير وكنت لقيت اللي ده إحساس برضه اللي وصل للناس تقريبا وصل لكل الناس، لوحة الطفلة اللي ماسكة ثعلب برضوا اللوحة دي إحساسها كان وصلني جدا نفس الطريقة يعني نفس الإحساس اللي أنا كنت حاسه لقيت الناس بتقول نفس الكلام أظن إن الأحساس وصل للناس بتنوع يعني كله حاسس بأن لوحة سعاد حسني بالفحم دي جميلة جدا وكذلك النجم القدير محمد التاجي علق عليها، لوحة البومة جميلة جدا نفس الإحساس اللي أنا كنت بحسه بلاقيه بيوصل من غير ما أتكلم بالعكس الناس دي لم يدر بيننا حوار ده هو كان ايه رأيكم في لوحة فهما يقولوا رأيهم نفس اللي أنا كنت حاسه

عدد اللوحات كانت 60 لوحة متنوعة في منهم أكريليك في منهم موتر كلر ولكن الوتر كلر كان فن صيني شعبوي زي الفن المصري القديم لوحتين مصري قديم و 20 لوحة مودرن آرت إضاءات قوية وباقي اللوحات كلاسيكية

هل يتعرض الفنان لصراع نفسي مابين الضغوط ومحاولة توصيل معنى معين من خلال لوحاته؟

والله السؤال ده جميل ‏جدا أن الفنان بيحاول يوصل معنى معين فيوصل لصراع سألت من قبل على حالة غادة والي، لماذا الفنان يلجأ لسرقة أو اقتباس سئ للوحات الفنانين الزملاء والله اشوف لوحة كده تعجبني فأخذها وأغير فيها حاجات وأقول دي بتاعتي لأنه بيبقى مقصر تقصير شديد جدا جدا جدا في التعليم ، يدخل الكلية يفضل يقرأ يقرأ وهو ناسي إن الفن هو فن ريشة فن ألوان بيوصل إحساسه عن طريق الألوان مش عن طريق الدراسة أنا بستغرب الناس اللي بتقرأ كتب في الفن عايز تبقى فنان أرسم وأرسم مرة واثنين وثلاثة أقوى مرحلة واهم مرحلة في حياة أي فنان انه يرسم لو قصر في هذه المرحلة هيترتب عليه يا فنان بيسرق لوحة الآخرين يا فنان يواجه صراع إنه يوصل لوحة، أفضل لوحات الناس شافتها عندي وأعجب بها جدا ووصلهم الأحساس قد ايه هي كانت سهلة بالنسبة لي أنا اوصل الأحساس ده قد ايه كانت سهلة جدا إني أنا ببساطة وصلت الأحساس ده لأن هو الأحساس خارج مني أنا فعلا وليس من شخص أخر وقدرت إني بأسلوب تكنيك، تنوع التكنيك يعلم الواحد إنه يوصله، أنا ما وصلتش للصراع ده يمكن الصراع ده كان في الأول وأنا بنسخ ف مرحلة النسخ من 10 سنين أو من 8 سنين كنت بنسخ لوح كثيرة كان في الصراع ده مش قادرة اوصل حاجة بس بعد كده خلاص مبقاش في صراع بقت أقدر أوصل الإحساس بسرعة والإحساس اللي أنا عايزه فعلا بيوصل للناس.

ما هي أمنيتك المستقبلية؟

اتمنى في المعارض القادمة أخاطب كل الأحاسيس وكل العقول بقدر الإمكان وصعب حد يعمل كدة الفنان اللي عايز يحط كل الألوان في لوحة واحدة مستحيل ولكن بقدر الإمكان، والأمنية المستقبلية الواقعية القريبة ان شاء الله أريد إقامة معرض قريب في دار الأوبرا سيكون فيوتشيرزم وهي هتتخيل العالم بعد 100 عام هيكون شكله ايه؟ هتبدأ ترسم التخيل ده وانا من وجهة نظري الروبوت هو اقوى حاجة، يمكن هو مش موجود في مجتمعنا بس هو موجود في الواقع جدا فأنا اتمنى إن معرضي القادم يصبح أنجح من معرضي هذا.