كلمة آه … بقلم: نور الحمصاني
كل كلمة وليها معنى
وكل عاشق ليه موال
كتمت جرحى بكفي
وقلت عيب إنه يبان
مشيت طريقى لوحدي
وصبحت يا خال رحال
وخلى ماشي معدي
ماخطرت ليه ع البال
شغلت ليه الفرح بيدي
ماهمنى قلنا وقال
وعنه حزنى بقيت أخبى
حتي ما يعرف إنى زعلان
كان ظني يكون جنبي
وقت ما يضيق بيا الحال
عرفت إنه ناوي على هجري
وصبحت عليل حيران
بس لو يقولي إيه ذنبي
وإيه غير الأحوال
كان بكلمة يطمن لي قلبي
حتي لو دمعى سال
انا ياما راعيته بعيوني
وف قلبي والله حملته
ما همه عليه يحزن فؤادي
وحتي كلمة سلام ما قال
بعد ما كبر عوده وطرح
نسى كل ما بينا ولغيري مال
عجبي عليك يا هوى منك
ينجرح من حب وبقلبه مال
