محمد ابو السعد عن عرض كاليجولا… “فن محترم والجمهور واعي”
كتبت:مادونا عادل عدلي
تعرض مسرحية كاليجولا بطولة الفنان محمد علي رزق على المسرح العائم بالمنيل
ونشر الفنان محمد ابو السعد صور من العرض عبر حسابه الشخصي على موقع التواصل الاجتماعي فيسبوك وعلق عليها قائلًا
“النهارده أنا إتفرجت علي ملحمة تمثيلية .. صراع جبابرة .. خناقة في الأداء .. من الأخر كدا إتفرجت على عظمة إسمها كاليجولا
وتابع الفنان… “المفروض يعني بما إني أدعي إني بفهم إني أحكيلكم علي تفاصيل العرض من ممثلين جامدين أووووي وإخراج هايل وتكوينات مرعبة ومزيكا تحفة وإضاءة معبرة أوي وديكور بسيط ومليان تفاصيل وموصل الحالة
بس أنا مش عايز أسحلكم في كلام كتير
واستكمل الفنان… “عايز أقولكم إن اللي عايز يتفرج على حاجه محترمة وفن بيحترم الجمهور الواعي وتمثيل من العيار التقيل يروح يتفرج علي مسرحية كاليجولا على المسرح العائم بالمنيل كل يوم الساعة ٨ونص ماعدا الخميس والجمعة”
واختتم الفنان حديثه.. “ومش هقدر أنهي البوست من غير ما أشكر أخواتي وحبايبي محمد علي رزق وأوتاكا ومحمد عز ونور عفيفي وشريف نبيل ونهاد نزيه ومحمد خالد وهاني حسن وكل الممثلين اللي للأسف معرفش أساميهم كلهم بس حقيقي مبسوط بيهم جدآ لأن كلهم جامدين أوي وممثلين كبار جدآ على أنهم عملوا عمل مهم زي دا وإني إتشرفت إني أتفرج عليه
والجدير بالذكر أن أخر أعمال الفنان محمد مسلسل وسط البلد للفنانة سميرة عبد العزيز والفنان جمال عبد الناصر ومازن جمال وفيدرا وشاهستا سعد وغيرهم
