مغسلة تفتح باب الرزق لـ”سما وأولادها الثلاثة”

تستيقظ بكل همّة ونشاط هي وأبنائها الثلاثة، يرتدون ملابس العمل استعدادا ليوم جديد

، داخل محلهم في مدينة طنطا بمحافظة الغربية، لتحصيل مصاريفهم اليومية

، وادخار جزء من المكسب يكفي لتأمين مستقبل الأبناء.

سما: فتحنا المغسلة عشان نجيب مصاريف العيشة.. وعيالي ملهمش غيري

تمسك سما فودة، (43 عاما)، بخرطوم المياه، وتتحرك بجوار السيارة لغسلها،

أو تقف أحيانا على سجادة لتنظيفها

، فبعد وفاة زوجها قررت الخروج ومواجهة الحياة بنفسها، مُتكئة على أبنائها الكبار

، ليقرر الأربعة “الأم وأبنائها” فتح مغسلة: “بعد ما جوزي توفى كان لازم أتعب وأشقى عشان عيالي

، لأنهم ملهمش غيري، أنا خريجة دبلوم تجارة، وعندي ابني خريج دبلوم تجارة برضه ،

والتاني في رابعة جامعة معهد خدمة اجتماعية والتالت في تانية ثانوي، وفتحت المغسلة من 3 شهور”.

كانت “سما” تعمل في البداية “ميكب آرتست”، لكن ظروف العمل الصعبة جعلتها  ،

تفكر في فتح مغسلة: “فتحتها عشان أشتغل أنا وعيالي، كلمت حد عشان يساعدنا في فتحها، هو يدخل بالأموال وإحنا بالمجهود”.

لم ترض “سما” أن يعمل أبنائها بمفردهم، تحدت الجميع وأمسكت بخرطوم المياه، وقررت العمل  ،

دون خوف، وكلها أمل لتأمين مستقبل أولادها بعدها: “نزلت اشتغلت ووقفت في المغسلة عشان بحب الشغل، وفي نفس الوقت أشجع عيالي ،

لازم يبقى في رقابة عليهم، ولازم أكون وسطهم، واخترت أفتح مغسلة عشان مفيهاش صنعة ومش مكلفة، وابني كان شغال في مغسلة فعنده خبرة”.

تجهز “سما” منزلها وتنهي كل شيء قبل النزول، فمن الثانية عشر ظهرا حتى العاشرة ،

مساءً، تظل “سما” وأبنائها داخل المغسلة، لا يذهبون إلى البيت سوى لسبب معين: “ببقى ،

منضفة وعاملة كل حاجة قبل ما أنزل، وباخد معايا أكل وبناكل في المحل، والشغل مرهق ،

جدا ليا وتاعبني، بس معنديش دخل تاني غيره، والراجل اللي بيمول المكان وافق عليه علشانا، فلازم أبقى قدها”.

لا تتعرض لأي مضايقات، بل لاقت ردود فعل ومعاملة إيجابية من الجميع: “كله متقبل ،

إني ست وشغالة في المغسلة، ده في واحد مرة مرضاش يخليني أغسله العربية، رفض نهائي، وأخد الخرطوم مني وغسلها”.