مني داوود تكتب: لخبطه حياه

كلنا كبني ادمين معرضين لوجود مشاكل في حياتنا في أي علاقة بتربطنا باي حد في حياتنا أي كانت نوع العلاقه صداقه اخوه زمالة عمل زواج اي علاقه فيها تداخل مع الآخرين بصورة او باخري 

واول ما تبدا تظهر مشكله مش بنكون عايزين حل علي اد ما عايزين حد يسمعنا حد يكون بيحبنا يسمعنا يسمعنا وبس من غير اي مقاطعه ولا نقد ولا تنظير من غير حتي ماينطق بكلمه كل اللي عايزينه مجرد إنصات لينا وده بيكون كفايه اوي وده بيكون كفيل يدينا الاحتواء كفيل يدينا الأمان   

احيانا بنقول كلام بعد شويه نغيره ونقول عكسه مش معني كده اننا معندناش مبدأ. بس احيانا بنتكلم بقلبنا واحيانا بنتكلم بعقلنا وساعات بتلخبط بين الاتنين. وساعات المجتمع بيضغطنا وساعات الزمن نفسه وساعات اللي حوالينا بيضغطونا ومش بيكونوا حاسين بينا. ولا حتى عايزين يسمعونا   

في حد نصيبه اب حنين واحد نصيبه زوج صالح. واحد نصيبه ابن بار واحد نصيبه اخوات حنين واحد نصيبه صحبه صالحه دور علي اللي شبهك اللي يسمعك اللي يقدرك قدروا بعض حتي من باب الصدقة خبره الايام بتخلي رؤيتنا لنفس الحاجه تتغير فالناس ترفض تسمعنا بحجه ان في لخبطه في شكل من اشكال الكلام او المعامله وممكن كمان يتم الاتهام بالجنون لمجرد ان في لغبطه في مشاعرك ونسيوا انهم بني ادمين زيهم زيك وممكن يمروا بنفس حالتك فبلاش نحكم على بعض محدش عارف كل واحد فيه ايه ولا بيمر بايه ولا دماغه فيها ايه