وليه أندم … بقلم : عمر ماهر

أنا مش ندمان إني طلعت أ*و*سخ ناس من حياتي من زمان
وقولتلهم باي .. باي باي بجد واللهي مش بهزار

وأنا مش زعلان.. دا أنا بالعكس فرحان فرح مفرحتهوش في أي مكان

فرحان إني أقدرت أخطي الازمة بكل أمان.. وأفرح وأعيش في حياتي بكل حب وسلام

وأبدأ أفوق لنفسي وأرجع لصحة مان

وأشوف النور إللي عمال يقطع بكل مكان

وكابوس النوم اللي مخليني ولا مرة أعرف انام
من كتر الكربهاء إللي عمالة تقطع صبح وليل

وأنا مش بنام من كتر الكهرباء إللي عمالة تقطع بالساعات ومعطلاني عن شغلي بالأيام

طب أفرح ولا أزعل

أني بقيت من كتر قطع الكربهاء أرتاح من الشغل
ولما مديري يقولي شغلك فين.. بقوله الكهرباء قطعت نسيت ولا إيه

طب أعمل إيه.. من كتر الحر اللي مزهقني طول الليل
هي الكهرباء والحر ملزميني ولا إيه

وحتي المروحة الشغالة بتكملش ساعتين

طب أسيب البيت يعني وأروح لفين
أبات في الشارع يعني وأنا عندي بيت

طب أنا أعزب مش شايل هم الكهرباء كتير

طب المتجوزين يعملو بقطع الكهرباء إيه.. وهما مش فاهمين أنه الموضوع شكله هيطول ولا إيه

طب اللي عنده غسيل هدوم يشغل غسالته من الساعة كام لكام
علشان يعرف يعمل حسابه بكل امان

طب والمريض اللي عنده علاج والسكر يعمل ايه
دي المريض هيموت مننا مش داريين ولا ايه

طب نعمل ايه قولنا كلام يطمن نصبر نفسنا به
والحل ايه نسكت ونكتم علي الموضوع ولا ايه
ونفضل طول حياتنا الظلام رفيقنا ولا ايه

منشوفش النور لو للحظة نحس به