الشاعر “فاروق رشاد” في حديث شيق عن تامر حسني “لازم يحقق حلمه كل سنة”
كتبت/ مادونا عادل عدلي
عبر الشاعر فاروق رشاد عن سعادته للمشاركة في فيلم “بحبك” للنجم تامر حسني، بأغنية “أنت اختيار والذي ينافس به النجم تامر حسني في موسمى عيد الأضحى والصيف في السينمات.
وقال الشاعر فاروق رشاد فى تصريحات له : شرف كبير لي التعاون مع نجم بحجم تامر حسني نظرا لشعبيته الكبيرة في مصر والوطن العربي وأنا واحد من جمهور تامر ومتابعيه قبل ما أكون صانع ودائمًا تامر وش خير على كل اللي بيشتغلوا معاه.
وتابع حديثه فاروق رشاد قائلًا: “تامر حسني من الفنانين اللي عارفه هي عايزه ايه وعنده تارجت وحلم كل سنة لازم يحققه سواء في التمثيل أو غناء الحفلات اللي كسر فيها أرقام قياسية
واستكمل… “وهو مصدر طاقة إيجابية لكل اللي بيقرب منه وكنت فخور بكلام تامر معايا عن الأغنية في العرض الخاص قد ايه فرق معايا جدا ربنا يكتبلنا النجاح ونكون وش خير علي بعض دائمًا”.
وأضاف فاروق رشاد: “أغنية انت اختيار هي أغنية نهاية فيلم بحبك وأنا شايف أن الفيلم هايكون من الأفلام اللى هتعيش كتير لتامر حسنى لأنه فيه تعب ومجهود من كل صناعه، وسعيد جدا من ردود الفعل على الفيلم والأغانى الموجود به وتفاعل الجمهور معه “.
واختتم حديثه قائلًا…”سعيد أيضا بأول تعاون مع الملحن الكبير تامر علي وهو من الملحنين العظماء اللى التاريخ هيقف عندهم كتير لتميزه الكبير لسنين طويلة على الساحة الفنية وما يقدمه من اختلاف وتطور في المزيكا وان شاء الله انتظروا اعمال قادمة بينا ترضي الجمهور والنقاد”.
ويذكر أن اغنية “انت اختيار” غناء تامر حسني، كلمات فاروق رشاد، ألحان تامر علي، توزيغ وميكس يحيى يوسف، ماستر على فتح الله، وهى إحدى أغنيت فيلم “بحبك” وضمن أغنيات البوم تامر حسني الجديد “عشأنجى” المقرر طرحه غدًا بحفل العلمين الجديدة.
