حسين الشعيبي يوضح موقفه من انتقادات الجمهور
كتب: خالد البسيوني
كشف الفنان حسين الشعيبي موقفه من التعليقات المسيئة والانتقادات التي يوجهها له بعض متابعيه على مواقع التواصل الاجتماعي، وذلك على خلفية الفيديو الذي نشره منذ فترة على حسابه الخاص بـ”إنستغرام” مع إحدى المعجبين.
وقال الشعيبي في تصريحات صحافية: “أنا لا أهتم بالتعليقات السخيفة ولا باخد بالي منها ولا تفرق معايا، وأنا نزلت الفيديو وعارف إن هيبقى فيه سخرية”.
وأضاف: “عمومًا في ناس كتير بتدخل عشان تسيء وأنا عمري ما رديت الإساءة بالإساءة إطلاقًا ولا بتفرق معايا الحاجات دي، وأنا نفسي بقول اللي يقول يقول واللي يعمل يعمل، وأنا أبسط من كدا بكتير”.
وأكمل حسين : “أنا شايف إن مقطع الفيديو لطيف وهيبقى تريند النهارده وأنا أصلا نزلته عشان أهزر وما عنديش مشكلة خالص، وكتر خير اللي يعلق بطريقة سيئة هو حر في نفسه الله يكون في عونهم، أنا بدعي للناس دي أن ربنا يصلح حالهم والفيديو أنا اللي منزله يعني أنا اللي بهزر”.
