رقم غريب عليا رن .. بقلم: الشاعر الغنائي: حمادة العسكري
رقم غريب عليا رن
حسيت بشوق وبدأت أحن
رديت سمعت سكات حبيبي
كنت من لهفتي هتجن
فضلت السكة مفتوحة
لا بتكلم ولا أتكلم
مع إني منه مجروحة
حبه جوايا معلم
فضلت يوماتي أستني
صاحية بحلم بالرنة
وأحكيله على حالي
بتنهيدي وأنفاسي
يوماتي بقى لينا مكالمة
مابنقولشي و لو كلمة
كفاية أسمع تنهيده
سكاته بيلمس إحساسي
سهلها عليا واتكلم
عزة نفسي منعاني
حبيبي إرجعلي أنا مسامحة
تعالى نبتدي تاني
يومين عدوا بدون رنة
مش قادرة أصبر وأستنى
رنيت عليه ردت واحدة
لو سمحتي إبعدي عنا
فضلت يوماتي أستني
صاحية بحلم بالرنة
وأحكيله على حالي
بتنهيدي وأنفاسي
يوماتي بقى لينا مكالمة
مابنقولشي و لو كلمة
كفاية أسمع تنهيده
سكاته بيلمس إحساسي
