روحوله ياناس … بقلم الشاعر الغنائي: حماده العسكري
روحوله ياناس قولوله خلاص
انا إتعلمت في غيابه
دروس نارها بتكويني
قولوله بموت ايام بتفوت
وأنا واقف على بابه
بشوق والدمع مالي عيني
ومهما غيابه هيطول
هحبه أكتر من الأول
لا لحظه همل ولا هيأس
ولا شوقي في يوم ينقص
واحشني كل حاجه منه
هعيش عمري اقول عنه
حبيب قلبي ومفيش بعده
قولوله يفتكر وعده
روحوله ياناس قولوله بلاش
يسيب قلبي في نار وعذاب
تعبت بجد محتاج ليه
في نار جوايا مبتهداش
قولوله يعود كفايه غياب
انا مقدرش اعيش بعديه
ومهما يعاند او يقسى
هحن لحبه مش هنسى
وقلبي في كل أوقاته
ينادي عليه بدقاته
قولوله يفتكر ليا
حاجه حبها فيا
وامانه عليكوا تحكوله
توهة قلبي وعذاب ليله
