عبدالرحمن جمال اشهر بائع سندوتشات لـ عالم النجوم: تعرضت للكثير من الانتقادات والتنمر وخاصة أن والدي طبيب
حوار/ هاجر عبد العليم
عبدالرحمن جمال عطاالله يبلغ من العمر 23 عامًا طالب في كلية تجارة جامعة الأزهر الفرقة الرابعة، هو أشهر بائع سندوتشات بيتي في مصر هو نموذج لشاب مكافح لم يستسلم للبطالة ، وسعي وعافر وفكر في فكرة مشروع خارج الصندوق، تعرض للانتقادات الكثيرة لأنه يقف أمام الجامعة يبيع سندوتشات وخاصة أن والده يعمل طبيب ،لم يستسلم في يوم لاي انتقاد بل يسعي كل يوم أن يكبر مشروعه ولم يلتفت الي أي أقوال سلبية لديه أحلام كبيرة ويمشي خطوة بخطوة لكي يصل الى حلمه ،فهو يتحمل العديد من الصعوبات منها وقوفه بالساعات في الشارع مع ارتفاع درجة الحرارة صيفًا ويتحمل البرد، وظروف المطر في الشتاء ،ومازال يحلم ويسعي لتحقيق احلامه ولهذا كان لـ عالم النجوم معه حوار خاص وممتع
متى بدأت شغلك ؟
بدأت شغلي ومشروعي من ٤ أعوام في شهر 11 سنة 2019 بدأت بـ 250 جنية تقريبًا وبدأت لوحدي في غرفة في منزلنا وبعد ذلك بعدة أيام ربنا كرم وعدد السندوتشات زاد وماما أصبحت تساعدني وبعدها انضمت اختي كمان تساعدني وبعدها اخويا الصغير.
من أين أتت إليك فكرة السندوتشات؟
فكرة السندوتشات أتت الي عندما خسرت في عدة مشاريع وأصبحت لا أملك فلوس وفكرت ازاى ابدء مشروع بأقل راس مال وفضلت أبحث في الانترنت من فيديو لفيديو ولم أجد أي حاجة مميزة ومختلفة وظهر أمامي فيديو صدفة عن بنتين عملوا المشروع هذا في القاهرة بس كان مختلف عن الذي اعمله وكان برجر وبانيه وكفتة وكدا فكرت اطوره وحاجة تكون مميزة ومختلفة من جميع الجوانب.
وبدأت الحمدلله واشتغلت والناس حبتني جدًا والشغل ما شاء الله نضيف وحشو كتير جدًا وسعر رخيص والحمدلله رب العالمين
ماهي أهم الصعوبات التى واجهتها؟
كانت قابلتني عقبات كثيرة جدًا أني أقف أمام مستشفي الطلبة في شارع مستشفي الرمد بمستشفي الطلبة فكان باعة متجولين في الشارع كتير ويبيعو حاجات آخرى ملابس وغيره كانوا عايزين امشي بأي طريقة ولكن الناس والطلاب وقفو معايا أكثر من مرة وكانو يعملو معايا مشاكل كتير وثاني عقبة الشمس والحرارة في الصيف والبرد والمطر في الشتاء وثالث عقبة الدراسة والامتحانات.
من الذي دعمك ؟
أهلي والدي وخصوصًا والدتي بتساعدني كتير اوي في الشغل ودائما في ضهري وبتدعيلي ديما كل يوم وانا رايح الشغل ودايما ربنا بيكرمني الحمد لله رب العالمين وهي من أهم أسباب نجاحي حقيقي
هل المشروع والفكرة لقيت القبول والدعم منذ البداية؟
الحمدلله لقت استحسان كبير رغم اني ابتديت المشروع في وقت صعب وفترة صعبة جدا كانت بداية مرض كورونا والناس كلها خايفة جدا ومش تثق في حد أبدًا، ولكن الحمدلله طلاب جامعة طنطا شجعوني جدا وبدأو يقولو لبعض وبدأ الحمدلله الطلاب والدكاترة والموظفين وحتى المرضى يجوا يشتروا مني لان السندوتشات كويسة جدا ومخدومة وسعرها رخيص وكمان معمولة في المنزل.
ماهي أهم أهدافك وطموحاتك ؟
للأسف حاليا لسه ببيع الساندوتشات في الشارع زي ما أنا حاليًا
وهذه بصراحة عقبة وحاجة صعبة جدًا بسبب الصيف والحر الشديد، انا يوميًا بقف في الشمس حوالي 8 ساعات وهذا خطر علي وبيكون غلط علي السندوتشات بس انا بضع السندوتشات في الشنطة لكي احفظ عليها من الشمس وبقفل مش بخرجها من الشنطة اللي لما حد يطلب يعني مش بعرض السندوتشات للشمس نهائي، وطبعا نفس الكلام في الشتا الدنيا بتكون صعبة جدا لو الدنيا مطرت.
ولدي هدف الكبير نفسي ربنا يكرم وافتح كشك او محل او عربية متنقلة في نفس المكان الذي أقف فيه حاليًا طنطا شارع معهد الأورام بمستشفى الطلبة، ونفسي ربنا يكرم وافتح مشروعي داخل جامعة طنطا نفسها يعني أجر كافتيريا الجامعة وبعد ذلك افتح مشروعي في جميع جامعات طنطا، ثم جامعة القاهرة ثم جامعة الأزهر، ثم جميع جامعات محافظات مصر
وان شاء الله هدفي افتح 100 فرع في جميع أنحاء جمهورية مصر العربية، والهدف الثاني أتعاقد وأورد سندوتشات الى المدارس و الجامعات والشركات الحكومية أو الخاصة و المصانع والكافتريات والسوبر ماركت والحمدلله حاليًا أقدر أعمل أي كمية يوميا، وهناك الهدف التالت اجيب جهاز شفط الهواء من الاكياس الفكيوم عشان السندوتشات تحافظ على نفسها أكثر بسبب شفط الهواء من الأكياس ومنع البكتريا من التفاعل معًا السندوتشات وبالتالي توزيع السندوتشات في مجالات كتير جدًا، وصلاحية السندوتش هتكون اكبر 4 أو 5 أيام.
ما هي أهم الانتقادات التي تعرضت لها ؟
كان في طبعا انتقادات كتير من أصدقائي انت ازي والدك دكتور وهتقف تبيع في الشارع بس الحمدلله دايما واثق من نفسي وعارف بعمل اي وفخور بنفسي الحمدالله هما حاليا الي بيجو يتصور معايا
بم تنصح الشباب؟
محدش يقول مفيش شغل الشغل موجود وقدامك بدال الفرصة الف في الزمن دا لازم السعي والحياة صعبة ، لازم تشتغل وتعمل هدف وحلم لحياتك وتشيل مسؤولية نفسك وتخطط وتعمل مسار لحياتك و لاتضيع وقتك وعمرك علي القهوي وأصحاب السوء قرب من ربنا وتوكل علي الله واشتغل واعمل هدف لحياتك واسعا وحقق حلمك وهدفك وفي فرص شغل لا تعد ولا تحصى وحاليا في عصر 2022 بقي متاح انك تستغل علي النت وتكسب فلوس من البيت ابحث علي الانترنت وتعلم مهارة انجليزي أو برمجة أو تصميم أو منتاج واشتغل وربنا يكرمك وتقبض بالدولار وانت في البيت
لمن توجه الشكر ومين هو مثلك الأعلي؟
اشكر والدي و والدتي وزوجتي وأخواتي وأهلي وأصدقائي وطلاب جامعة طنطا سبب كبير من أسباب النجاح.
ومثلي الاعلي رجل الأعمال محمود العربي صاحب مجموعة شركات العربي
