يا أجمد بنات الكون … بقلم الشاعر الغنائي: حمادة العسكري
يا أجمد بنات الكون
عليكي جوز عيون
يجننوا العاقل
ويعقلوا المجنون
فورتيكه
قنبله نوويه
فورتيكه
ماركة عالمية
البت واثقه في حلاوتها
بطايه ماشية براحتها
حلاوتها زايده ورقتها
مش طبيعيه
لما بشوفها بحس بتوهه
ياناس روحوا بسرعه نادوها
من لحظة ما عينيا شافوها
مغمى عليا
خطفت قلبي بنظرة عين
بت مفيش منها اتنين
عينيها قناصة ونظره رصاصه
طالعه و عارفه هترشق فين
جامده البت وعيني منها
رايح جاي قصاد عينها
لو غابت بسأل عنها
ومن الناس بعرف اخبارها
جامده البت ومختلفة
جامده و اكمنها عارفه
سايقة دلالها ولا على بالها
ولا حد بيلفت أنظارنا
فورتيكه
والعود مليكان
فورتيكه
وأخر جمدان
البت أخر جمودية
بنظرة توقع لها ميه
كل اللي يشوفها معديه
يحس بتوهان
شقيه وعاقله ولذيذه
لو تحصل صدفة عزيزه
وأبقى أنا إبن الحظيظه
فارس الفرسان
أجمد بت عينيا شافتها
قلبي بيرقص على خطوتها
يلا بسرعه محتاج جرعة
من نظرة عنيها وضحكتها
جامده البت وعيني منها
رايح جاي قصاد عينها
لو غابت بسأل عنها
ومن الناس بعرف اخبارها
جامده البت ومختلفة
جامده و اكمنها عارفه
سايقة دلالها ولا على بالها
ولا حد بيلفت أنظارها
