بالتراب والشاي والعصير.. فارس زكريا يبدع في رسم الشخصيات المؤثرة
حوار: أحمد الدخاخني
موهبة رسم الصور من طابع خاص وبأسلوب مختلف يتفنن بها الشاب الموهوب فارس زكريا, من أبناء مركز ببا بمحافظة بني سويف, والذي يبلغ من العمر 21 عاماً, حيث يبدع فارس في تصميم رسومات عن طريق إستخدام أدوات التراب والشاي والعصير بجانب قلم الرصاص, وقام بتصميم العديد من اللوحات الفنية وصور الشخصيات المؤثرة والمشهور مثل الفنان الراحل سمير غانم وحنان ترك وكريم عبد العزيز والدكتور أشرف صبحي وزير الشباب والرياضة والدكتور مجدي يعقوب.
وفي حوار خاص تواصلت ” عالم النجوم ” مع الموهوب فارس زكريا للحديث عن بداية اكتشاف موهبته في رسم الصور بالتراب والشاي والعصير, كما يلي:
في البداية عرفنا بنفسك ؟
فارس زكريا, سني 21 سنة, من محافظة بني سويف مركز ببا, ومعايا دبلوم صناعة.
متى اكتشفت موهبتك في الرسم ؟
من وأنا في الابتدائية كنت بحب أرسم علي طول بس للأسف المدرسين كانوا بيكرهوني في الرسم.
احكي لنا كيف اكتشفت موهبة رسم صور بالتراب والشاي والعصير ؟
أنا الأول كنت شفت فكرة الرسم بالملح والشاي وبعدين وأنا في الشغل كنت بلاقي سلوك نحاس كنت بقعد أسلي وقتي وشكل بيها لقيتها فكرة حلوة, ورحت في الاجازة جربت أرسم الشاي, رسمت شوية وبعدين قولت عاوز أغير حاجة جديدة لأن كان في حد بيرسم بالشاي, رسمت بالعصير وبعدين حبيت أخلي فكرة ليا, وأنا ف الأرض الزراعية لفت نظري التراب كان شكله جميل فأخدت شوية قولت أجرب أرسم بيهم, وبعدين جربت طلعت فكرة حلوة استمريت عليها.
ما هي الصعوبات التي تواجهها أثناء الرسم ؟
هو فيه كتير بس اكتر حاجة إن ممكن أكون برسم وفي لحظة مجهود 4 ساعات أو 5 وفجأة تبوظ وممكن لو كحيت أبوظها وبيكون الشغل علي أعصابي.
من هو أكثر الناس تشجيعاً لك في حياتك ؟
كان والدي الله يرحمه, ومن بعده إخواتي وبعض أصحابي.
ما هي أحلامك الكبيرة التي تسعى لتحقيقها ؟
انا حلمي إن يكون الرسم هو مهنتي الأساسية ويكون مصدر دخل لي.
