أرملة الشهيد عامر عبد المقصود تدخل في نوبة بكاء على الهواء
مشاهد مؤلمة ورجعتنا لمربع ط صفر ط من الاحداث وبعيط أنا وولادي من وقت ماشوفناها.
الاختيار 2 يوثق بطوللات رجال الشرطة وتضحيتهم عشان مصر وكل المصريين لازم يعرفوا.
جوزي تعرض للتعذيب أربعة ساعات ولما كان بيحتضر شربته الارهابية ” مية نار “
قبل الي حصل كنت بكلمه واققله إرجع كان يقلي : مش عامر الي يسيب القسم عشان يترفع عليه علم القاعدة مكان علم مصر
نوبة بكاء أرملة الشهيد عامر
دخلت نجلاء سامي سامي أرملة الشهيد عامر عبد المقصود نائب مامور قسم ” كرداسة” في نوبة من البكاء في أول تعليق على مشهد إستشهاده في مسلسل الاختيار 2 قائلة : “اليوم كان صعب عليا ومن. وقتها مابطلتش بكاء لان المشاهد رجعتني لنقطة الصفر من بداية الاحداث التي مر عليها ثمانية سنوات. وهي مشاهد مؤلمة أوي. “تابعت في مداخلة هاتفية خلال برنامج ” كلمة أخيرة “. والذي تقدمه الاعلامية لميس الحديدي على شاشة ” إكسترا نيوز ” خلال شهر رمضان قائلة : بس المشاهد كانت مهمة عشان الناس تفهم ايه الي حصل لضباط قسم كرداسة وارفداها ومجنديها. ويعرفوا يعني إيه ابطال شرطة. وانهم فقط كانوا بيدافعوا عن مكانهم ويعرفوا بطولة عامر عبد المقصود ومأمور القسم رحمة الله عليهم وكل أبطال كرداسة “.
واصلت : ” كل الي عملوه أنهم كانوا بيدافعوا عن مكانهم عشان لايرفع علم القاعدة وعامر كان مشهود له بالاخلاق السمحة وكل الناس عارفه. وأنا كنت منتظراه يرجع. وقتها بعد خدمة عشرة سنوات في الفيوم لكن مالحقش لانه إستشهد في مذبحة الخسة والخيانة في كرداسة “
أكملت : ” من 8 سنوات ومش بنساه والاحداث في مسلسل الاختيار 2 رجعتني لنقطة الصفر لكن معلش مهمة برضه أن المصريين يفهموا أن شهداء الشرطوا ضحوا كتير اوي عشان مايترفعش علم القاعدة مكان علم مصر. وإزاي تصدوا للارهاب الغاشم وجوزي مارضيش يسيب مكانه كان بني أدم خلوق. ومحب للخير لكن إرادة ربنا مش هقول غير حسبي الله ونعم الوكيل “.
كما واصلت : عندي ولدين 27 سنة و21 سنة وكانوا موجودين معايا ومش عارفة احكي حالتنا كانت عاملة إزاي ؟
صحيح اولادي شباب بس الموضوع المنا كثيراً أثناء مشاهده المسلسل “
كما وجهت التحية لابطال الجزء الثاني من مسلسل الاختيار قائلة :
” إختيار موفق في الجزء الثاني حتى يلقي الضوء على بطولات الشرطة المصرية كما سلط الجزء الاول الضوء على بطولات رجال الجيش المصري. وانا بشكر المنتج والمرلف والمخرج بيتر ميمي وهقلهم الي إنتوا عرضتوه مايجيش صفر على الشمال من الي حصل على الحقيقة لكن مهم عشان المصريين يعرفوا أن ابطال الشرطوا بيضحوا بالغالي والنفيس مش خسارة في مصر “
مشهد تناول مياه النار
وعن مشهد تناوله مياه النار في أحداث المسلسل قالت :
” ايوه ده كان جوزي الشهيد عامر عبد المقصود كان صايم الستة ايام البيض. وده كان اليوم الثاني في الستة ايام وقعدوا يعذبوه أربعة ساعات وسحلوه وقطعوا شراينه. وضربوه بمواسير مياه على راسه ورصاصه في قدمه حتى يعجز عن المشي ورعم كل ذلك رفض مغادرة المكان. وناشدته بمغادرة القسم وقلي : مش عامر عبد المقصود الي يسيب علم القاعدة يترفع على القسم مكان علم مصر ” .
واصلت في سرد ذكرياتها : سحلوه من كرداسة لحد ناهية لحد ماسلموه للمجرمة الحقيرة الي ظهرت في الاحداث سامية الارهابية الي مكنتش تعرفه اصلاً لكن لمجرد الانتقام من وزارة الداخلية وهوا بيحتضر كان عاوز يشرب ميه كانت بتشربه مية نار “.
