الرسامة خلود حسن لـ” عالم النجوم”: حلمي أعمل الأكاديمية اللي بقالي سنين بحلم بيها
حوار: أحمد الدخاخني
خلود حسن, فنانة تشكيلية شابة من بنات محافظة الشرقية, طالبة الآن في كلية التربية للطفولة المبكرة بجامعة الزقازيق, والتي تبلغ من العمر 21 عاماً, منذ صغرها وهي تعشق الرسم وبأقلامها وأناملها تتفنن ” خلود” في رسم العديد من اللوحات الفنية والصور التعبيرية وتسعى دائماً لتحقيق أحلامها وإثبات ذاتها, وتواصلت ” عالم النجوم” مع الفنانة التشكيلية خلود حسن في حوار خاص, وذلك للحديث عن بداية اكتشافها لموهبة الرسم وعن أحلامها والنقاط الأخرى, كما يلي:
متى اكتشفتي موهبتك في الرسم ؟
اكتشفت موهبتى وأنا صغيرة كنت بحب أشخبط كتيرعلى الورق أو علي الحيط لحد ما كبرت وكل يوم حبى للرسم بيزيد وجت في فترة قطعت الرسم بسبب ظروف معينة, 3 سنين ماكنتش برسم ورجعت أقوى من الأول في سنين الجامعة وخدت مركز أول على مستوى الشرقية في الفن التشكيلى وقريب فيه حاجات أقوى من اللي فات.
ما هي الصعوبات التي كانت تواجهك أثناء الرسم ؟
شغفى ساعات بيقل كتير وده شئ مش كويس والنقد كان الأول بيأثر عليا بس دلوقتي بقى عادي مبقاش يفرق معايا حاجة غير الطريق اللي أنا ماشية فيه وأني لازم أعافر علشان أوصل وعندي يقين تام أن مفيش حاجة بتيجي بالساهل.
ما هي الأدوات التي تستخدميها في الرسم ؟
بستخدم الرصاص والفحم والألوان الخشب والباستل والoil pastel والزيت والأكوريل بس أحب الخامات لقلبى هو الزيت.
كم من الوقت تستغرقي في رسم صورة ؟
مفيش وقت محدد, فيه رسومات بتاخد شهور, ورسومات أيام وممكن أرسم رسمة متاخدش معايا نص ساعة فهو الرسم مش مقيد بوقت معين.
من هم أكثر الناس تشجيعاً لك حياتك ؟
بابا وماما وخلاتى ربنا يخليهم لى يا رب.
ما هي أحلامك الكبيرة التي تسعي لتحقيقها ؟
حلمي أعمل الأكاديمية اللي بقالي سنين بحلم بيها.
